萬千星輝頒獎禮2021丨游嘉欣躋身「飛躍進步」5強 自覺攞獎機會微 票投姜麗文

游嘉欣、王灝兒（JW）、姜麗文、羅天宇及林正峰今午出席《萬千星輝頒獎禮2021》「飛躍進步男、女藝員」最後5強記者會，首次獲提名便躋身5強的嘉欣有感今年進步甚多，她表示：「由無人識，到上年年尾《香港愛情故事》播出街，又拍咗幾套劇，之後開始有人識，已經好好，不過今次對手太強，所以攞獎機會都好微。」嘉欣坦言有看姜麗文在《愛·回家之開心速遞》和《星空下的仁醫》的演出，大讚對方演得好，故會投她一票。

同場加映：傳無綫x港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

{{hket:inline-image name="DSC_1164.JPG"}}{{/hket:inline-image}}

{{hket:inline-image name="DSC_1144.JPG"}}{{/hket:inline-image}}

至於同樣首次獲提名的JW，亦表示會投票給姜麗文，另一票則會投給好友陳瀅，「因為我同陳瀅合作《痞子殿下》成為咗好朋友，佢同姜麗文入咗行都好多年，而且一樣咁努力。今年我已經賺咗好多機會，好似做《聲夢傳奇》導師同拍劇，呢啲都係我踏出舒適圈嘅一大步。」

{{hket:inline-image name="DSC_1149.JPG"}}{{/hket:inline-image}}

而第3年獲得「飛躍」提名的羅天宇，直言對獎項抱平常心，他謙說：「今年我睇好胡鴻鈞，佢喺《十月初五的月光》演經典角色，處理得好好，所以睇好佢。如果我今年有機會攞獎，希望可以將致謝詞一字不漏讀出嚟。」林正峰則以輕鬆心情面對獎項，他表示：「其他入圍嘅演員都好出色，自己可以入圍已經好滿足，今年當做一個起步，之後再努力。」

撰文：Pat