2012年港姐｜張名雅繼黃心穎後自資出歌圓夢 曾暗寸安心事件：呢個世界太多誘惑

有些藝人不甘於只有演員的單一身分，心底裡有着一個歌手夢。去年約滿無綫的《2012年度香港小姐競選》冠軍張名雅（Carat），回復自由身後，最近豪擲六位數自資出歌。昨日她為第一支單曲《我愉快嗎》拍攝MV，身穿吊帶低胸短裙，其中一幕更以鐵鏈纏身。

同場加映：

中年好聲音丨支嚳儀無怨被醫學世家堵夢想路 涂家堯重視比賽友情成意外收穫

{{hket:ul-video id="7737"}}{{/hket:ul-video}}

Carat透露選港姐前，於溫哥華參加新秀歌唱比賽，林奕匡是同屆參賽者，這次是出歌圓夢。她說︰「人生有幾多個十年？如果呢個十年唔做，可能又要等下一個十年，到時又未必有衝勁去做，所以我想帶出一個信息就係，如果有夢想就要扚起心肝去嘗試，千祈唔好放棄。」

{{hket:inline-image name="IMG_4121_600.jpg"}}{{/hket:inline-image}}

Carat否認進軍樂壇，「又唔係話好似歌手咁出道，當然有獎梗係開心啦！我嘅原意係完成夢想，做好嘅音樂畀人欣賞。」她在2016年下嫁嫁律師男朋友，育有兩子，她感恩這次出歌獲得家人、朋友支持，又稱會努力儲錢，盼望能夠繼續有新歌曲發表。

{{hket:inline-image name="109_600.jpg"}}{{/hket:inline-image}}

而在上月情人節，與Carat同屆的港姐黃心穎自資出歌。問到前者，跟黃心穎有沒有battle嘅感覺？佢就話唔會，「每個人都值得有個夢想，而且百花齊放都幾好。」又指有睇過對方嘅MV，「希望自己之後都可以挑戰一下唱快歌。」二人都有個歌手夢，唔知有冇機會爭做今年樂壇新人？

{{hket:inline-image name="C5A7D409-46D5-43F1-A3C2-0151D4112939_600.jpeg"}}{{/hket:inline-image}}

Carat與黃心穎分別是2012年港姐冠亞軍，兩人關係似乎不算太好，前者在2016年結婚時，有請黃心穎去飲，而她未有出席，在接受傳媒訪問時甚至稱，跟對方不算好熟，亦不會約出街見面。

2019年「安心事件」，Carat在IG暗寸黃心穎，說︰「呢個世界實在太多誘惑。大家都知道是錯的，但每日依然有人犯錯或重犯。做人老婆都咪話唔驚驚。」

黃心穎親填全英文歌詞自嘲吐心聲 鄭秀文大方回應：應有機會去開始【下一頁】

撰文：娛樂組