世紀議題︳林峯吳卓羲黃宗澤男神合體 兄弟聚會帶老婆網民話「唔通氣」

藝人林峯早前相隔6年回歸無綫拍《使徒行者3》，不過眨吓眼劇集已經喺早幾日播出大結局，唔少Fans都好擔心要再喺無綫睇到林峯又唔知要等幾耐！不過林峯都好識做，不時都會更新佢嘅社交平台，Fans都可以睇吓佢嘅靚相「望梅止渴」。

{{hket:inline-image name="4c4b4ef457ac4fb38b42e0d57c19f42c.jpg"}}{{/hket:inline-image}}

今日林峯post咗一張「陣容鼎盛」嘅合照，原來佢相約佢一班好兄弟，吳卓羲、黃宗澤、郭政鴻同黃浩然作2020年男神最後聚會，一班人食日本菜敍舊兼迎接新一年，林峯留言：「再見2020， 兄弟們。我們2021見。」然而呢次嘅男神聚會中，張馨月「萬綠叢中一點紅」，成為唯一一個出席嘅「阿嫂」，搶鏡之餘唔少人都好羨慕佢畀一班型男簇擁。

（↓點擊圖片放大↓）

相中見９月先生完Ｂ嘅張馨月臉色紅潤，狀態大好，而張馨月亦都有Post合照：「我和男神們！」不過呢批普通嘅合照竟然引起兩性矛盾大對決，大家對林峯帶埋老婆張馨月到場嘅舉動有兩極嘅意見！有男網民留言表示一大班男人聚會，有一個女人喺度，會傾得唔多「舒暢」：「點會帶埋老婆去男人聚會，傾偈都覺得『窒住窒住』！」；不過唔少女網民都盛讚林峯係好男人教科書，認為佢呢個舉動好窩心：「峯哥真係好男人，去邊都帶埋老婆，優秀！」

撰文：黃蘊姿