優質旅遊服務協會晚宴 表揚傑出商戶及員工疫境自強

疫情減退，百業逐漸復常。優質旅遊服務協會早前舉辦29周年晚宴暨2022傑出優質商戶及員工服務獎頒獎典禮，廣邀逾600名來自「優質旅遊服務」商戶嘅嘉賓參與，更請來文體局局長楊潤雄、旅發局主席彭耀佳，及協會主席黃傑龍一齊主持開幕儀式。

黛安知道，今次活動係疫情以來，首次舉辦嘅旅遊相關行業大型跨行業盛會，旨在表彰前綫員工面對「疫境」困難，仍堅守崗位，保持為客人提供優質服務嘅精神。旅發局當晚都頒發咗「傑出優質商戶獎」、「傑出優質商戶員工服務獎」和「20年資深優質商戶」等獎項添。

當晚大會仲特設抽獎環節、歌星演唱，及安排入圍「傑出優質商戶員工服務獎」決賽嘅員工上台表演。黛安希望未來旅遊、餐飲、零售業界可同心協力，Keep住最親切笑容及優質服務，同嚟自世界各地嘅客人再次講聲「Hello，你好！」。