關楚耀贈網紅女友巨鑽好事近？ 豪遊泰國日本狂放閃疑預支蜜月

關楚耀（Kelvin）同細佢11年嘅網紅女朋友Joann Law拍拖多年，早前二人豪遊日本同泰國多地，疑似預支蜜月，Joann日前仲炫耀巨型鑽戒，未知係咪好事近！

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

關楚耀同Joann拍拖六年，女友兩年前隔空暗示想結婚，男方當時大讚對方係醒目女，借傳媒隔空傳話。早陣子二人豪遊日本、泰國，IG不時互tag放閃，但係從來冇post過正面合照，只能夠講真係高調得嚟又好低調。日前Joann於IG限時動態post一隻巨型鑽戒照片，tag埋男友，令人不禁聯想好事近，莫非呢隻係佢哋嘅訂婚戒指？

{{hket:inline-image name="1.JPG"}}{{/hket:inline-image}}

唔少人都留言「責怪」佢哋放閃，關楚耀無情白事喺女友社交平台留言「求關注」，非常甜蜜。有網民建議佢哋「原地結婚」，Joann都只係以心心回應，似乎都唔太抗拒被催婚！

話雖如此，其實關楚耀對Joann一向好闊綽，去年情人節Joann就「花式放閃」屢受批評，事關收到男友送嘅兩大疊1,000蚊紙，目測至少有20萬，Joann晒命將銀紙放上社交網限時動態，IG留言：「諗住簡簡單單食餐飯，佢突然拎個信封出嚟，『情人節快樂』...我以為佢寫咗一疊情信。」還有︰「任何玫瑰花都不及任你花，隨便花」、「錫女朋友的男人會發達」。網民指炫富，而關楚耀土豪式送禮除咗充分顯示佢財力外，都被批評冇誠意冇品味。照咁推斷，呢枚巨鑽戒有可能只係關楚耀嘅「小禮物」都未定。

網紅Joann曾任模特兒同空姐，現時係KOL，同時經營網店生意，吸金力極強。Joann IG有9萬3千多名粉絲，同男友擁有9萬8千名粉絲數目差唔多。Joann身形非常纖瘦，不過近年社交平台post嘅相都係重P，幾乎再見唔到佢真面目嘞！

撰文：娛樂組

圖片來源：Instagram