必勝客餐車概念店登陸中環 連串驚喜優惠

陪伴港人成長嘅連鎖薄餅店必勝客，最近喺中環街市開設首個全新餐車主題概念店，將貨車變身造型搶眼嘅美國餐車裝置，並採用本土風味嘅水磨石餐桌及沿用中環街市嘅混凝土地板，以中西合璧設計風格打破傳統薄餅店嘅營運模式框架，半開放式廚房設計更可以畀食客睇到現場薄餅製作。

佢哋仲特意邀請當代水墨畫家何紀嵐為新店創作水墨壁畫，壁畫以石板街為創作靈感，再以新派畫風描繪出香港古老街道風貌，為食客帶嚟新舊文化交融嘅視覺衝擊。

黛安知道，概念店新張期內仲有全新限定美食及連串驚喜優惠，包括推出全新限定「香甜青提芝士必勝批」；以低至$48可享用「一人享樂」優惠套餐，超過9款主食、4款小食及6款飲品或湯任意組合。

另外，即日起至5月23日喺新店作任何消費，即可獲贈連環賞卡一張，（數量有限，送完即止），只要掃瞄二維碼即可知道最新優惠，而首輪優惠就係試食價$30享用「香甜青提芝士迷你必勝批」；參加必勝客官方Facebook推出嘅小遊戲，更有機會贏取原個「香甜青提芝士迷你必勝批」㖭。