爆谷一周｜艾粒爆「許張周」男歌手用增高鞋墊 Donald自爆因乜首次扮女人

谷德昭主持的ViuTV節目《爆谷一周》新一集請來艾粒的少爺占和Donald做嘉賓。二人大爆有好多歌手用增高鞋墊出蠱惑，仲引到連谷德昭都忍唔住爆埋一份！Donald又自揭27歲時偷阿姨嘅裙着，初嘗做「女人」感覺！

同場加映： 痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

艾粒接受谷德昭節目《爆谷一周》訪問期間，Donald拎出兩塊半透明的不明物體，被谷德昭問係咪「義乳」。Donald解釋佢哋係着喺襪子內嘅增高鞋墊：「我想喺呢個節目控訴好多香港歌手，以佢哋嘅高度係唔使用增高鞋墊，呢個增高鞋墊，用咗之後可以增高2cm，而家好多歌手用呀！」少爺占即鬧佢爆大鑊好「毒」。

谷德昭即問艾粒邊位歌手用緊增高鞋墊？少爺占即答：「姓周嘅！」Donald則指：「我懷疑姓張都有用，姓許嘅都有用，好過份！」少爺占：「姓許一定有用，以前佢唱歌比賽冇咁高。」谷德昭亦忍唔住口：「有一位歌手朋友我估佢都有用，因為我未同佢游過水，佢唔肯去游水，我諗佢擔心游水時俾人發現突然間矮咗咁多！」

{{hket:inline-image name="300182462_446759834157526_5285521644913282474_n.jpg"}}{{/hket:inline-image}}

Donald又自爆曾經着住增高墊去首映禮，因為望落與高173cm的少爺占一樣高，而被粉絲質問原因：「之前《阿媽有咗第二個》首映，呢次我就唔記得着，我惟有挺直條腰，好彩我高過岑珈其少少，贏咗個馬鼻，即刻安樂晒！」唔敢得罪歌手，但又冇厘正經拉埋岑珈其落水，氹到現場朋友都笑晒。

另外，Donald有份演出吳君如電影《闔家辣》，少爺占指Donald拍吳君如好大壓力，Donald說：「拍嘅過程好順利，君如姐嚟到成個氣氛唔同咗，本來啲take都OK，導演亦都OK，君如嚟到嘅時候由頭嚟過，我心諗頭先嗰啲明明OK？」谷德昭問：「你有冇講出嚟呀？」Donald：「唔敢，不過最後都用返之前嗰啲嘅，咁我就安樂少少！」少爺占指吳君如有股氣場，更爆她太得閒會打電話去直播室：「你知佢把聲又似YT（俞琤）吖嘛，我喺節目度話估唔到我都有日本fans，轉頭直播室電話嚟，佢話『個個人都有日本fans啦，唔好信呀，喺日本嘅香港人冇嘢做，你唔好以為得你有日本fans呀！』所以佢好得閒，好鍾意judge晒所有嘢，所以咁先有好嘅作品囉！」

谷德昭問艾粒分享扮女人心得，Donald第一次扮女人感受：「我細個試過着阿姨啲裙，我冇嘢做入去佢間房，佢掛咗條裙喺度，不如試吓着，我除咗入面啲衫着住條裙行嚟行去，睇吓電視，感受吓做女人係點嘅呢？」谷德昭問他：「你嗰時幾大？」Donald唔知講真定講笑：「嗰時我27歲，原來隻腳係唔知點擺，最痴線係阿姨個小朋友喺度全程目睹。」
 

圖片來源：截圖