古裝喜劇《痞子殿下》昨晚首播，反應大好，事關第一集已經有不少搞笑情節，令觀眾捧腹大笑。單是「首振鎮」入面的四大場景，名字已經夠玩味︰「碧壁青樓」玩big big channel諧音，「四圍酒棧」（四圍走盞）、「堅定樓」（堅定流）、「奕豐鏢局」影射現代的順豐速遞、「大薩三坊」（大殺三方）等等；至於陳瀅就來自「歌蓮神國」（歌連臣角）的公主，十分有趣。
同場加映：白色強人II丨劉溫馨入行9年樂觀看待事業 無分角色大小努力實踐夢想
《痞子殿下》今晚首播｜周嘉洛首度擔正男一曬喜劇細胞 陳瀅放低靚女包袱瘋狂流口水【下一頁】
幾位主角周嘉洛、陳瀅、JW王灝兒、朱敏瀚、張頴康等火花十足，對白夾雜文言文同潮語，抵死有趣，例如︰張頴康對白「還不讓我刮到你？」、「天堂有路你不走，戇居走回我地頭？」等等，非常搞笑。古裝劇都可以有植入式廣告，將兩大品牌的名字放入當眼處，無論是市集還是馬車上都有，相當誇張。
《痞子殿下》首播之後，不少網友都在TVB FB留言大讚，「似周星馳」、「周嘉洛演繹好周星馳！始終周星馳唔會再做呢啲劇，呢20幾年冇人用呢個演戲方式，都算新鮮」、「疫情下好多人愁眉苦臉，睇多啲搞笑片好」、「用番周星星方法其實都OK嘅，但身邊有阿叔達哥嘅角色就更正啦」等等，大多數指周嘉洛甚有周星馳的影子，充滿喜感，其中有幾場戲更是疑似向周星馳電影致敬。
其中一幕是阿四（周嘉洛飾）、蠻儀（陳瀅飾）被奕風鏢局捉住審問，這時大當家（吳岱融飾）現身，前者即時解釋「此乃一場誤會」，見他被綁跪地用膝頭靈活走動，跟《審死官》中的周星馳的舉止非常相似。
而另一幕是蠻儀找到馬車後，叫阿四盡快上車，她一心整蠱對方，阿四未上車就開車，後者一句「但我未上車喎」跟《逃學威龍》一幕一樣，當吳孟達搜獲一貨車軍火時，周星馳應聲將貨車開走，達叔呆站原地。
愛回家丨金城安Bonnie預告今晚鬧分手 周嘉洛再接新劇回家遙遙無期【下一頁】
首播後，幾位主要演員一齊網上直播同觀眾傾偈，期間陳瀅瘋狂爆料，先是自爆由加拿大返港接拍這劇，在酒店隔離21日正準備出關時，收到演員班底大兜亂的消息，當時人選並不是張頴康、JW和周嘉洛，「經理人打電話畀我，全部人轉晒，咁而家邊個係阿四？吓？周嘉洛？唔係嘛？我可唔可以推咗佢（工作）？經理人勸我，佢話周嘉洛好年輕、好好玩……既然我都隔離緊，可以點啫？冇理由返番加拿大？」張頴康多口補一句：「你仲以為係曹永廉呀？」陳瀅後補稱沒想到跟一眾演員合作，火花四濺，仲成為了好朋友。
周嘉洛大爆JW是演戲的天才，第一次拍劇很快就上手，這時陳瀅再爆料，指跟周嘉洛第一次見面時，問他到底是否認識陳瀅、JW，周嘉洛答「完全唔識」，陳瀅說：「佢仲話JW好似好老……」JW大感傷心，周嘉洛完全記不起有這回事，連忙解釋：「《矛盾一生》我係有聽嘅！不過我份人係比較善忘，又覺得呢首歌好似好有歷練先唱到……」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉