海事博物館3月免費開放兩天 連串活動適合親子遊

周末最好就係享受家庭樂，黛安知道，由海洋網聯船務（東亞）贊助，香港海事博物館將於3月4日及5日免費開放，並舉辦一系列親子活動，界大家了解海事歷史及海運業。到時模擬駕駛室將向公眾開放，參觀者可以駕駛各種船隻，包括集裝箱駁船、高速船，甚至係歷史悠久嘅天星小輪，更可於模擬駕駛室學習海員嘅唔同角色，體驗下「海上之旅」。

扭氣球賽事冠軍得主Jacky將於3月4日現身，同大家一齊扭出與海洋有關嘅趣致氣球；漫畫家Aman亦會喺3月5日到場，幫參觀者繪畫人像速繪，活動名額有限，需預先登記，詳情可【按此】參考。

另外，同場亦設有遊戲攤位，大家可參加海事常識問答遊戲，了解更多關於貨櫃船及航運業嘅知識，並有機會獲得精美紀念品。現場亦有唔少親子活動，包括電影放映、館內導賞團導覽、博物館尋寶遊等，並設有海洋生態講座，分享海洋科學知識和經驗，香港的航海歷史、文化及遺產等。