玉桂狗布甸狗PC狗 化身3D八達通配飾

黛安日日都用八達通搭車購物，如果有一個靚靚八達通配飾，用起嚟就更加開心啦。八達通宣布，推出3款全新成人版Sanrio角色3D八達通配飾，包括玉桂狗、布甸狗及PC狗，呢3隻狗狗都人氣爆燈，其中玉桂狗更喺2022年Sanrio人氣角色投票大賞中奪冠。

3款都傻氣可愛，每一款更附上專屬夾公仔鉗子同彈弓匙扣，方便扣喺袋上，售價$188（不設按金及儲值額），今朝10時起至下周二（21日）下午5時可優先預訂，兼享免郵費優惠，每個八達通銀包帳戶每款限購1個；下月1日上午7時起，全綫7-Eleven便利店公開發售。