殺手廢J丨陳湛文袁澧林感情戲蜻蜓點水 欣賞麥可暉反烏托邦劇本：好有共鳴

ViuTV劇集《殺手廢J》由陳湛文擔綱男主角，扮演自由身殺手J。沒有MIRROR的光環加持，觀眾對於Mike導（劉諾衡）的處男劇集抱有一定的好奇心，陳湛文坦言沒有收視壓力，在合作過程中慢慢欣賞Mike導、麥可暉兩位的年輕人的幹勁，期待將來再合作。至於袁澧林（Angela）對劇本的反烏托邦概念大感興趣，荒誕情節反映出現實社會官僚制度。

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

ViuTV劇集《殺手廢J》未有MIRROR成員加持，任男主角的陳湛文表現輕鬆，完全沒有「收視」壓力，說︰「我哋有宇宙天團ERROR客串嘛，不過真係冇壓力，我拍完都好想睇，不過播出之時我忙緊排練《飯戲攻心》舞台劇，之後就要演出。連自己都唔能夠增取收視，唔可以實時9點半睇，頂多可以用APP重溫，所以唔可以控制到太多。」他表示跟Angela（阿清，J之鄰居）雖然有感情線，卻沒有太多複雜的瓜葛，問到無緣跟女神級對手過招是否失望？陳湛文說：「劇本賦予嘅...係咁都冇辦法，咁樣可能來得淒美。」

殺手廢J︳傻姑陳安瑩閃現孖陳湛文送驚喜 網民讚好戲：幾句對白就夠【下一頁】

{{hket:inline-image name="0001-13.JPG"}}{{/hket:inline-image}}

{{hket:inline-image name="0001-24.JPG"}}{{/hket:inline-image}}

陳湛文和Angela異口同聲大讚麥可暉的劇本非常過癮，衝破地域上的局限，戲劇結構十分穩打穩紮，第一次跟Mike導合作，陳湛文說：「Mike導好知自己要咩，當初我都諗，佢以前做開綜藝，而家變戲劇類，會唔會適應唔到呢？開頭拍嗰5、6日，大家都摸索緊、試緊，去到中後段就發覺，Mike導有佢講故仔嘅獨特方式，唔好畀綜藝二字標籤咗佢。」

Angela表示一口氣睇晒八集劇本，即使自己戲份不多，也相當欣賞這次團隊的創作，「劇本最吸引我嘅地方，係殺手公司對官僚制度嗰種批評、諷刺，呢種反烏托邦故事得意之處，就係可以同現實世界關聯得到。」陳湛文笑言：「Mike導、麥可暉就係用咁樣嘅眼界去睇呢個世界，我哋用相對嘅異象回應番現實世界發生嘅事，當中有人受苦受難，我見到佢兩位...就一定對號入座，（佢哋係受害者？）我冇咁講，但一定好有共鳴。」

{{hket:inline-image name="jh.jpg"}}{{/hket:inline-image}}

{{hket:inline-image name="yh.jpg"}}{{/hket:inline-image}}

Angela過去幾次拍攝ViuTV劇集，都是客串演出，她沒有計算角色大小和戲份多寡，只要是好劇本就樂意參與，「我唔貴（片酬）呀！一啲都唔貴，我熱愛創作、拍戲，遇到好劇本係一件好夢幻嘅事，講真一個人唔會永遠做主角！乜嘢類型嘅角色我都好樂意演。」她稱外國迷你劇集的製作已經相當具電影模式，香港劇集仍然處於流水作業的狀態，「始終預算不及電影製作，燈光、美術方面未有電影咁仔細。觀眾睇劇，未必100%專心睇，可能食緊飯、做緊運動咁，《殺手廢J》令我驚喜嘅地方，係佢對白精細嘅建構、表達，好有電影感覺。」陳湛文認同拍劇感覺好「燒肝」，2至3個月內衝30至60組戲，休息時間極少，睇到Mike導、麥可暉兩位新晉創作人的那團火，「唔使加油啦！佢哋已經好有火，我只會問仲有冇下一單（工作）可以再合作？總好過叫佢哋加油！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：何家賢

陳湛文： 
眼鏡：eye’s Buddy feat. VEDI VERO
服裝：Demic_hk、Liberation_hk、New Balance

袁澧林：
髮型：Oscar Ngan@Orient4
化妝：Jenny Shih
服裝指導：Daniel Cheung