殺手廢J︳傻姑陳安瑩閃現孖陳湛文送驚喜 網民讚好戲：幾句對白就夠

由陳湛文、袁澧林、陳子豐、陳海寧、陳毅燊及楊偉倫等合演的ViuTV新劇《殺手廢J》昨晚首播，故事以殺手J（陳湛文 飾）為中心，講述他從自由身殺手加入殺手公司的過程，及跟女主角曾汶清（袁澧林 飾）的經歷。

{{hket:inline-image name="02073004.jpg"}}{{/hket:inline-image}}

{{hket:inline-image name="02073001.jpg"}}{{/hket:inline-image}}

同場加映：連詩雅單親背景成長望組完整家庭 將嫁陳家樂望愛情保鮮：Never Stop Trying

{{hket:ul-video id="7557"}}{{/hket:ul-video}}

《殺手廢J》圍繞殺手這職業，第一集不單止有槍戰戲還有搞笑位，就是主角J的經理人權哥（羅永昌 飾）的表姐（陳安瑩 飾）的特別演出。劇情描述陳安瑩搵陳湛文殺人，後者完成任務後上門收錢，陳安瑩欲「走數」，寸爆說：「我話之你啦！總之我臨尾問多你一次，你話咁多已經夠，唔使再畀！」

陳安瑩表現出囂張又寸嘴的師奶性格，完全不怕面前的殺手，還想拉閘唔理人，十分無賴，誰不知陳湛文忍不住發惡，慢慢展示身上藏有的手槍，陳安瑩隨即變臉扮無知︰「我搞錯咗...煩到你唔好意思，但係我真係冇錢...你殺咗我囉！咁叻，轉行做收數吖！殺吖，冇錢咁點呀？悉隨尊便，爛命一條！」鏡頭一轉，陳湛文開槍，打傷了陳安瑩小腿。

《IT狗》｜陳湛文由銀幕走入公仔箱演宅男 兩年前娶TVB娛樂主播一家好溫馨【下一頁】

誰不知這件事仍有下文，「殺手經理人」羅永昌殺到，要陳湛文向他的表姐道歉，怒氣沖沖的陳安瑩坐在輪椅上，陳湛文：「對唔...忍住！」陳安瑩亂罵當場，羅永昌做和事佬拉開二人，陳湛文明寸：「你健步如飛呀！」陳安瑩反祝他開工大吉。這兩場戲可謂充滿黑色幽默，喜感十足。

（↓點擊放大睇圖片↓）

陳湛文昨晚在網上談到前輩給他的感覺，「我能遇上安瑩姐，對戲，坦白講我覺得好有親切感，因為細細個睇佢做戲時已經好鍾意佢嘅能量，真人把聲、用聲都靚到不得了。」網民見到雙陳鬥戲大感驚喜，尤其是見到陳安瑩再現熒幕，遂在陳湛文帖文下留言：「好戲嘅，短短幾句對白已表露無遺」、「傻姑係好戲嘅」、「第一集好好睇，加油呀」及「今晚睇你兩位呢場戲，唔知點解腦中浮現《買兇拍人》嘅feel」等。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】