《廉政狙擊》首映禮︳陳楨怡冇再聯絡周子揚專心工作 否認被公司雪藏：閉關準備劇本

2020年港姐亞軍陳楨怡（Celina）去年被爆私生活混亂，背住圈外男友Andy跟周子揚拍拖，在內地拍劇期間又傳出搭上內地演員路宏，個人形象受損。一時傳出TVB「雪藏」陳楨怡，一時聲稱「放逐」她到內地拍劇，消息混亂。直至昨日合拍劇《廉政狙擊》在九龍灣國際展貿中心舉行首映禮，她終於蒲頭宣傳，親自回應報道。

{{hket:inline-image name="DSC04067.JPG"}}{{/hket:inline-image}}

{{hket:inline-image name="DSC03921.JPG"}}{{/hket:inline-image}}

同場加映：新四十二章丨林景程兼職物理治療分身不暇崩潰 自認醜樣慶幸有莫名觀眾緣「入屋」

{{hket:ul-video id="7598"}}{{/hket:ul-video}}

對於「雪藏」、「放逐」之說，陳楨怡表現淡定說：「其實我喺內地一年都有做嘢！keep住拍劇好開心，過咗年之後就返嚟見香港觀眾！（續留香港工作？）都係睇公司安排咋，暫時未知要唔要到內地拍劇，去到邊都係一個學習機會，冇乜所謂。呢一年喺內地工作學到好多嘢，大開眼界，係一次好好經驗。係兩種唔同體驗，唔同工作環境，一個係可以見識多啲，可以喺內地演員身上學到嘢，喺香港嘅感覺就好warm，我都係等公司安排，隨緣！」

周子揚自願做第三者「敢愛敢恨」 貶陳楨怡多情又忘情抬己癡情【下一頁】

至於同周子揚有否聯絡？陳楨怡話：「冇...（而家有冇拍拖？）冇！我而家專注工作。（日後拍拖會低調啲？）唔會再講...（有傳你同TVB簽長約，首要條件係做女主角？）呢個當然唔係事實啦，同公司份合約，年期就唔講得，大家一路會喺TVB見到我。（新工作點安排？）剛剛拍完《狀王之王》，然之後就返嚟香港探屋企人同休息。（負面報道影響形象？）喺內地呢段時間有『閉關』自己，冇用社交平台一段時間，要好專注準備劇本，因為要我原聲配音，要花好多時間喺劇本上寫拼音，真係要準備得好足，變咗我更加專注，都算係一件好事。（沉澱過後重新出發？）都可以咁講，我真係好鍾意拍劇，希望之後一路拍劇。（日後會小心言行？）做好自己啦！公司都冇『雪藏』，係我冇上社交平台，大家覺得我消失咗。重申我係『閉關』去準備劇本，拍完《狀王之王》後都有更新啦（社交平台）！」

港姐亞軍丨陳楨怡被爆一腳踏兩船兼收兵 打破沉默道歉 暗認同周子揚拍拖【下一頁】

此外，同場還有港姐出身的何沛珈、李芷晴，兩人去年憑《香港小姐再競選》而人氣急升，最近去泰國拍攝旅遊節目《請一日假去旅行》。提到有當地肌肉男為她慶生，李芷晴笑說：「人生第一次有咁多男人圍住我！佢哋跳舞勁過我哋，仲強迫我哋摸佢哋呀...捉住我哋隻手去摸，超主動，我幫觀眾、網民摸咗佢哋胸肌，觸感...有彈性！仲要係濕，因為不停跳舞跳到成身濕晒。」何沛珈話不敢找這類型男友，感覺上太大衝擊，另一半不用太大隻，怕自己弱小心臟負荷不了。

（↓點擊圖片放大↓）

何沛珈續說，賣關子︰「水著look火辣程度係冇底線...池水要凍啲，要降溫。」李芷晴爆料：「泳池嗰part火辣又靚，感性而有啲催淚，究竟邊個咁冇用忍唔住喊呢？記得記得留意《請一日假去旅行》！」二人承認參加《香港小姐再競選》後，工作量有所增加，得到外界認同。何沛珈稱︰「監製可以搵我同李芷晴演姊妹角色，外形有啲相似呀！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】