美心MX情人節小驚喜 今日長者晚市7折

慶祝情人節唔係後生仔嘅專利，公關姊妹同黛安報料，今日長者喺晚市到美心MX分店用膳，只要出示正本長者卡或樂悠卡或長者八達通，即可享7折優惠，優惠由下午5點開始，無論係堂食或外賣都可享用此優惠，老友記一定要Mark實時間去美心MX食飯喇。不過，就算錯過咗呢個優惠都唔緊要，因為美心MX「長者全日88折優惠」活動，將會延長至3月31日。

姊妹提醒，今次情人節優惠只適用於全綫美心MX及MX分店（落馬洲站MX、西九高鐵站MX及機場中場MX分店除外）；如果想知多啲優惠詳情，可【按此】瀏覽美心MX嘅fb專頁。