Pet Pet星丨郭羨妮養寵物令囡囡更有責任感 10隻愛寵先後離世：我用畫畫療傷

郭羨妮（Sonija）由兒時開始，寵物一直伴著她成長，先後養過6隻狗和4隻貓，每當愛寵離世，總令她難過不已，後來想到以繪畫來調節自己的心情，以時間沖淡傷愁。Sonija接受《晴報》訪問，表示現時只剩下2隻貓貓， 包括2歲的貓仔Jamie和將近3歲的貓女Gabby。

同場加映：風再起時丨郭富城掌摑梁朝偉感壓力 「點捨得一巴伸落去吖」

{{hket:ul-video id="7575"}}{{/hket:ul-video}}

{{hket:inline-image name="330452912_175171481903806_6871092848555268026_n.jpg"}}{{/hket:inline-image}}

{{hket:inline-image name="32547568.JPG"}}{{/hket:inline-image}}

Sonija閒時喜歡逛寵物店，又會到SPCA（香港愛護動物協會）看看有沒有合眼緣的貓狗，「因為我想養番隻貓，有一次就踫上咗Gabby，我一見到佢，就覺得同佢好有緣份，於是就養咗佢。Gabby好聰明，又好黐人，去到邊度都會跟住，仲好似一隻公仔咁，可以畀我個女（Kylie）攬住瞓，所以我覺得Gabby好有潛質做寵物醫生。」

Pet Pet星丨練美娟愛犬烏冬演出《百萬同居計劃》 被愛狗之人Anson Lo不停送吻【下一頁】

Jamie才2歲大，有件難忘事曾令Sonija十分心痛，她說：「喺我舊年生日時，佢患咗重病，瘦到皮包骨，差啲就死，我心諗︰『唔好死呀！』好彩搵到方法救佢，過咗一段時間，Jamie好叻仔，之後變咗隻肥貓。」她指Kylie會幫手照顧，餵貓貓吃東西，陪牠們玩，Sonija說：「養寵物係好好教育小朋友要愛護動物，有責任感，寵物有冇嘢食，完全係因為你，責任好大㗎！」

對於有新任媽媽因懷孕或家中有小孩，竟然選擇棄養愛寵，Sonija堅決反對，「唔好一時貪玩，覺得得意就買番屋企，又或者因為自身問題又唔養，你養得佢哋，攞番屋企嘅第一日，寵物嘅一生就喺你手上，好好照顧佢一生係一個承諾，寵物係我哋嘅屋企人，根本唔會捨得捨棄佢。就算我懷孕又好，有鼻敏感又好，醫生建議唔好養，我都冇理，到而家都冇事，我個女出世都有鼻敏感，但佢一直冇事。我睇有啲報道話反而會令小朋友嘅抵抗力更加強，所以我唔覺得有咩原因要棄養，反而寵物會好似一個看守者咁守護住BB，絕對唔應該棄養。」

PET PET星丨「三太」樊亦敏愛心爆棚養三狗一兔 拍劇準備埋有機零食畀「軲轆」【下一頁】

{{hket:inline-image name="102301050_2621933608077941_237389927415035139_n.jpg"}}{{/hket:inline-image}}

{{hket:inline-image name="316184046_525183762572949_3701419392620440050_n.jpg"}}{{/hket:inline-image}}

養寵物難免要面對生老病死，Sonija近年經歷15歲的小狗威威和17歲的貓貓的離開，心裡很難過，當時怎樣調節心情？她說：「佢哋因為老，喺幾日裏面，突然間（情況）差咗好多，唔肯食嘢，跟住就匿埋，過咗幾日就過身。雖然時間可以沖淡，佢哋依然喺我心入面，所有同佢哋嘅畫面都喺（腦海）度。」她用畫畫療傷，續說：「因為威威走咗，當時好多情緒，但我又唔可以太過激動同埋崩潰，因為我媽咪同個女係目睹威威過身，佢哋兩個好傷心，我當時唔喺香港，佢哋錄片畀我睇，我都唔敢睇。我用畫畫去療傷，等自己分心，有啲寄託；點知發現自己都識畫畫，而且我本身好鍾意幫啲貓影相，於是我就望住張相嚟畫，因為貓貓郁嚟郁去就畫唔到，影低就易畫啲，都好費神。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】