沈震軒跟女友陳欣妍拍拖五年,感情穩定,兩人關係越來越Sweet不時放閃,近日兩人都落力投入YouTube頻道的工作,陳欣妍分享兩人的拍拖愛情觀,而沈震軒則公開寓所內部環境,家住元朗加州花園,擁有過千呎空間的獨立屋,加上他屋企入面盡是「男人的浪漫」,睇到網友都嘩聲四起。
同場加映:連詩雅單親背景成長望組完整家庭 將嫁陳家樂望愛情保鮮:Never Stop Trying
《超能使者》大結局│沈震軒黑化成魔連林子善都殺 預告見陳山聰性命不保?【下一頁】
首集沈震軒帶大家睇佢屋企添置的過百萬健身器材,花園位置改建成有蓋的健身室,放置超過二十款不同的器材,全部都是專業級的著名品牌。其中一個健身架,他形容:「我唔敢話畀大家知呢個機原價幾多錢,可以買得起一部唔錯嘅車,點解咁貴呢?用過就知佢嘅鋼材同承重量有幾強,我有少少瘋狂,係每樣都揀專業嘅嘢,呢啲都係平時出賽會用嘅牌子!呢個唔好話畀我女朋友聽,呢一條鋼條超過一萬蚊一條。」
而最新一集,沈震軒繼續曬「男人的浪漫」,今次不是健身器材,而是他珍藏的模型公仔。他由獨立屋的地下上一層,中途的樓梯位置已經擺放一大批超級限量版的模型公仔,上到去第二層的一家專屬房間,驚見一大個飾櫃全部都放滿Marvel和DC系列的模型公仔。沈震軒坦言收藏大約八年時間,大部分絕版都是收購,其他則是全新預訂,他非常細心,將公仔分類排列好,又將他們的盔甲接駁電源,令公仔展示出更有特別的效果。
今次Video中,女友陳欣妍都有穿居家服亮相,沈震軒爆料指陳欣妍有日突然無故拎走放在展櫃的神奇女俠公仔,原來風水師傅揚言要放在某一個位置,才能旺屋入面嘅女主人,沈震軒稱:「呢個原因可以接受,我會盡量配合。」被問女友有否曾破壞公仔而被罵?陳欣妍說:「有呀!有次行過唔覺得踢甩咗一隻,佢就鬧我,要我好好愛惜佢哋。」沈震軒笑言:「眼淚在心裡流,真係要小心好好愛惜佢哋,(咁你愛錫佢哋多啲定愛錫我多啲?)咁你多啲!」兩人拍片不忘放閃,認真肉麻。
超能使者|沈震軒為臥底王君馨擋刀異能曝光? 唐詩詠爆seed失控 傳林子善超能力係…【下一頁】
陳欣妍大爆兩人由將軍澳搬屋到元朗時,她負責用雙手各拎住一隻公仔坐車,因沈震軒不想拆開公仔的配件,用人手來回幾百次去運送公仔,「佢架車郁緊嗰陣,連(公仔)個眼鏡都唔可以跌呀!」陳欣妍稱不介意男友玩公仔和購買健身器材的習慣,「雖然我而家都知道啲嘢幾錢,但健身器材可以擺好耐,用十年以上,除番開十年每樣都抵,呢啲公仔都有數得計...而且佢有呢啲,佢會坐喺度坐成日,又唔會出街,所以變咗呢個係一個好好興趣。男人要有興趣,唔係放工唔知做咩,畀個空間佢有興趣,咁佢就好鍾意黐住屋企。」
網友們睇完片都大讚陳欣妍係絕世好女友,「呢種女友聚(娶)得過啦,好羨慕呀,有GYM、有收藏,真係唔洗(使)出街都得喇!」、「另一半可以咁支持自己興趣, 真係好很幸福呀!!」、「玩得咁雜真係多多錢都唔夠,呢個老婆真係好,一定要好好珍惜!」等等。
內容來源:https://www.youtube.com/watch?v=_xkRCxAUVzE
https://www.youtube.com/watch?v=0De3d_MBvvA
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
撰文:楊安莉