拍拖5年｜沈震軒爆女友陳欣妍成日放屁 被問幾時結婚：有啲嘢我都要準備吓

沈震軒在無綫台慶劇《超能使者》扮演威仔，職業是臨時演員，他與母親梅姐（馮素波 飾）母子情相當感人。母親冷待威仔多年，後者爆喊一幕，爆發出抑壓多年的冤屈，演技受到亥認同。最近沈震軒現身女友陳欣妍主理的YouTube節目，大玩情侶Q&A，大爆女朋友的怪癖！

同場加映：忽然心動丨AK稱單身太耐拍感情戲硬晒軚 白只讚演技不幼嫩：觀眾會驚喜

{{hket:ul-video id="6977"}}{{/hket:ul-video}}

陳欣妍先在IG收集網民的問題，有人問沈震軒喜歡女友的哪一點？他就笑言問題是陷阱，「首先我同佢有代溝，我年紀大過佢（男39歲/女29歲）。我又覺得代溝唔算好大問題。我鍾意佢有一種細路女嘅感覺，我哋男士鍾意呢啲type嘅。同埋佢好sweet，幫到我好多。」

{{hket:inline-image name="shum8.jpg"}}{{/hket:inline-image}}

兩人拍攝網絡電影《狼人遊戲》（2017年拍攝）而認識，沈震軒指：「嗰陣佢傻更更，拍戲冇自己張凳，瞓覺係喺工作人員嗰張凳，咁我就畀自己張凳佢瞓。事後佢同我講呢個舉動好溫暖。」陳欣妍稱好鍾意男友個頭型，「第一次見到你...覺得頭型幾靚，天庭靚，個相係好。」

{{hket:inline-image name="69529319_5156011_600.jpg"}}{{/hket:inline-image}}

沈震軒因電影《喜愛夜蒲》的花心形象而被標籤，飾演花心蒲精「蘭桂坊USB」。有網民問到陳欣妍「一開始有冇覺得佢係渣男，你唔會受溝」，女方直言初相識時有做過資料搜集，「啱啱同你拍戲時有上網搵過你資料，見到有好多新聞，『蘭桂坊USB』嘛！有一日佢揸車送我返屋企，我覺得呢個男仔唔識追女仔。」沈震軒補充說：「我係一個認真嘅男仔，畀咗佢睇我MV同我寫嘅歌。既然佢係一個好演員，就畀佢睇一啲好嘅作品。用作品說話，用作品追女仔！」

有人好奇兩人年紀相差十載，是否成日鬧交？沈震軒支支吾吾，乘機大爆女友的怪癖，「梗係有嗌交！不過係勁少事，成日鬧交嘅原因係佢成日放屁！仲要好不經意，而佢每一次放屁仲要好開心。我鬧佢，佢就好得戚『你係唔係唔畀我放屁呀？我開心先會放屁，你係唔係想我唔開心呀』...好似好有道理...」

沈震軒與陳欣妍拍拖5年，問到兩人幾時結婚？男方暗示正在籌備中，「有啲嘢我都要準備吓，佢鍾意儀式感，我會喺佢鍾意嘅地方做啲表示，都不遠嘅呢個行動（暗指求婚）...」

{{hket:inline-image name="TUNGSTAR6061137_600.jpg"}}{{/hket:inline-image}}

超能使者｜沈震軒爆喊全靠波姐帶入戲 演路人出身 體會臨時演員辛酸【下一頁】

{{hket:youtube id="qA-n5idozBQ"}}{{/hket:youtube}}

撰文：娛樂組

圖片來源：陳欣妍YouTube截圖、IG圖片