鍾晴4年前曾發表「憎狗論」被圍插 被名種貓征服成功踢走動物恐懼

TVB小花鍾晴（Karlie）4年多前喺節目上發表憎狗言論，直指「工廠區嘅狗特別毛茸茸同污糟」、「好乞人憎嗰啲啦」，引起網民圍攻，指她「教壞細路」。事後鍾晴於社交平台道歉指自己嘅言論唔恰當，事情告一段落。事隔多年，鍾晴脫胎換骨成為貓奴，唔少網民都為佢感到高興！

同場加映：MIRROR未能合體丨AK交代姜濤冷親腳傷有待痊癒 Stanley爆佢身形：瘦咗啲

{{hket:ul-video id="7608"}}{{/hket:ul-video}}

鍾晴於2018年在《兄弟幫》訪談中分享拍攝節目點滴時，指自己除了龜以外，非常驚其他動物，談及一次出外景時遇到大狗，直言「你知啦，工廠區嘅狗特別毛茸茸同污糟」、「即係…好乞人憎嗰啲啦吓」。又曾試過遇上熱情狗狗，感到不知所措，「朋友叫我扮唔驚」、「因為狗見你驚就嚇你」、「都唔知佢咩心態」，主持人林盛斌、陳國峰亦有打圓場，勸說「可能佢係善意呢」，連另一受訪者鍾君揚亦出言「可能佢玩啫」，但鍾晴不斷重申自己「真係好驚」。

{{hket:inline-image name="271800396_140307328384953_3654824908161764831_n.jpg"}}{{/hket:inline-image}}

片段喺網上流傳後惹起網民不滿，指鍾晴身為TVB兒童節目《Think Big天地》主持但就唔愛護同尊重動物，直斥佢無資格做兒童節目主持，甚至「教壞細路」，更有網民提供表格，希望集體向通訊事務管理局投訴。鍾晴事後於Facebook發文道歉：「本人在節目《兄弟幫》訪問中的言論引起各界的反應 ，本人深感歉意。經過深切反省，作為一個公眾人物，特別是兒童節目的主持人，當日發表的言論的確非常不成熟及欠缺社會責任 ，本人已從中汲取教訓，日後會慎言慎行。在此再向各界致以最真誠的道歉。」

過去怕動物嘅鍾晴已經唔再存在，佢上載咗幾張同一隻扁面黃貓嘅合照，興奮稱自己成為貓奴，網上留言：「嘻嘻！忍不住跟大家分享家中來了新成員喔！是我的寶貝Doughnut! 貓咪...」自此不時分享佢同貓貓嘅生活點滴，又睇到佢同唔同名種貓咪嘅相處影片，當中仲有一隻牧羊犬，相信而家嘅佢唔再驚小動物喇！網民倍感安慰︰「好開心你克服咗對動物的恐懼！貓貓好可愛」、「喜歡動物，通常都係心地善良的和有愛心。」

撰文：黃蘊姿

圖片來源：Instagram