2011年香港小姐丨朱晨麗甫拜年照身材樣貌齊升級 入行11年形象氣質大改可塑性高

農曆新年，唔少藝人都會喺社交平台post靚相同大家拜年，現年35歲嘅朱晨麗（朱朱）昨日同今日都post着上貼身紅色入肩中式背心嘅相片，霎眼真係完全認唔到佢！唔少人都大讚佢新一年身材豐富又靚咗，要佢多啲派福利呀！

同場加映：愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

朱朱笑容滿面跪喺蘭花前做出恭喜發財手勢，留言送上祝賀：「玉兔迎春，四季如春。」今日再加碼炫耀一張近鏡相，擺出心心手勢，可愛得嚟仲好性感惹火，留言：「年初五：五福臨門，玉兔臨風、福兔迎祥、兔來運轉、金兔報喜、兔必NO.1。」完全搶晒旁邊鮮花嘅focus，唔少網民都話佢呢件上衣好難駕馭。朱朱更顯身材曲線，仲映襯出佢嘅白滑肌膚，人比花嬌。

{{hket:inline-image name="08ed343f28e89820e27ad608b040a431.jpg"}}{{/hket:inline-image}}

2011年朱朱參加港姐比賽，奪冠入行，於內地蘇州出生嘅佢自小習舞，精通拉丁舞、中國舞及芭蕾舞，10歲獲上海遠東芭蕾藝術中等專業學校取錄，憑芭蕾舞上嘅成就通過優才計劃來港定居。16歲時，朱朱獲香港演藝學院招收，入讀舞蹈學院，主修芭蕾舞4年。朱朱曾表示，初到香港時與同學合租4年百呎劏房，日子相當艱難。

朱朱樸素慳家，2014年成功儲到首期，以700萬元購入將軍澳The Parkside一個單位。感情方面亦好「專一」，2017年與合拍《超時空男臣》嘅何廣沛傳緋聞，過去6年間多次被斷正一同返回將軍澳寓所，但都冇認愛。朱朱越來越索，唔知何廣沛會唔會加快將女神私有化呢？

撰文：娛樂組