Day@COLLAR被追問情史講到勁驚青 火火：我哋而家唔係落口供

女子組合COLLAR的成員Day（許軼）日前在商台，接受由森美、火火及劉翁主持的《公子會》訪問，大談感情史。當Day提及向一個男仔主動表白時，被森美問及當時在哪區發生？是否在九龍新界尖沙嘴？Day急急答道：「係呀！係呀！」火火笑說：「我哋而家唔係落口供，你唔使咁驚吖！」

同場加映：Patrick Sir關宛珊一家四口最緊要開心 疫情BB洋蔥頭牙牙學語識拜年

{{hket:ul-video id="7475"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="11.jpg"}}{{/hket:inline-image}}

現年20歲的Day，透露會留意對她沒興趣、靜靜地坐在一旁的男仔，直認喜歡特別的男仔，「我會觀察佢，如果覺得佢幾好，我會主動同佢傾偈，又會問吓朋友佢嘅底細。」這個男仔，就是她的第二任男友。她指對方聲線好聽，有點日系可愛的感覺，戴眼鏡但不算是靚仔，主持們即指是林家謙類型。

主持們追問當時是否由Day表白？Day說：「係，唔係，都...算係，我又冇表白嘅，其實我都唔係超級主動，我都有收番少少...」劉翁忍不住笑，火火為Day講說話：「我哋唔好咁迫佢，我哋feel到佢講嘢有啲跳出跳入，又想講啲，但又驚講多咗。」Day在一旁只懂傻笑！

Marf邱彥筒@COLLAR自爆4秒初吻發生喺美孚公園 甜爆：「之後含春咁樣做project」【下一頁】

Day透露跟這個男仔做了朋友一段時間，心知大家互相喜歡，所以有次出街後，忍不住問對方，森美立即問道：「喺邊度？行緊街？九龍新界尖沙嘴？」Day答：「係呀！係呀！」火火笑說：「我哋而家唔係落口供，你唔使咁驚吖！」Day只好答：「旺角或者尖沙嘴。」森美質疑她：「咁快唔記得嘅咩？」Day一直笑，不懂回答，火火說：「都話跳出跳入咯！」Day沒理，繼續講她的表白故事：「佢送我返屋企，搭車咁樣啦，跟住我同佢講『你覺得我哋係朋友定咩關係？』跟住佢話『我都唔知呀！』，跟住我話『我都有啲鍾意你。』跟住佢話『我都係！』大家好尷尬，我返到屋企諗咗一陣，跟住WhatsApp佢，問佢『我哋一齊好唔好呀？』跟住...我都唔記得佢覆我啲咩喇！」火火說：「佢覆你乜嘢都唔記得？拍拖㗎喎！」森美為Day打圓場：「你對愛情嘅記憶比較弱啲，好多女仔都係咁，唔係你第一個，我哋訪問過太多女仔。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】