Marf邱彥筒@COLLAR自爆4秒初吻發生喺美孚公園 甜爆：「之後含春咁樣做project」

女子組合COLLAR成員Marf（邱彥筒）今年20歲，在去年年底的《全民造星IV》總決賽前夕，突被爆與模特兒盧思睿（Bryan）拍拖，當時不少網民在網絡上大爆，Bryan情史一籮籮，是一名「食家」，所以擔心Marf會被騙；奪得《造星IV》冠軍的Marf於賽後受訪，她以私人事為由不作回應，但希望大家相信她的眼光；今年年初，她接受傳媒訪問時，她表示想看定一點才公開談感情事。

同場加映：張頴康磨劍22年迎戰男演員黃金時期 「每次演出我都當係男主角咁做」

{{hket:ul-video id="6511"}}{{/hket:ul-video}}

{{hket:inline-image name="290576727_759193185235468_2091974148880649997_n.jpg"}}{{/hket:inline-image}}

早前，她終於大方談情史，在接受由森美、劉翁及火火主持的商台節目《公子會》訪問時，Marf透露初戀發生在中四，「喺學校識，我喺音樂室，見到有個人被黑氣圍住，好似Juno（麥浚龍）咁，撬住手唔知佢諗咩，佢個感覺好神秘，我就覺得呢個人幾有趣。」

不久，兩人就走在一起。一日，初戀男友接到已分手5年的外國前度女友電話後，立即致電匯報給Marf，並希望見見面，「佢喺我屋企樓下等我，我嗰時住葵涌、荃灣嗰邊，我哋行咗過去美孚公園，邊行邊傾偈，佢好重視face to face交流，我都覺得關係係需要咁。」

{{hket:inline-image name="305471679_1923987527796763_3004195320182541945_n.jpg"}}{{/hket:inline-image}}

Marf@COLLAR開Live歎豆腐火腩飯勁麻甩 鯨吞兩個冬甩 網民笑：口好大【下一頁】
Marf指當晚傾了不少話題，最後還獻上初吻，她說：「當時差不多天光，唔知你哋覺唔覺，喺夜晚暗暗地，對住鍾意嘅人係特別有feel，當時我哋傾傾吓，無啦啦靜咗，我望住地下，跟住佢就望住我，然後佢就捉住我下巴，錫咗我一下，我啲唇膏有少少出咗界，佢就幫我抹一抹，我已經勁尷尬，而震撼位，我哋只係維持咗一個禮拜。」她坦言這個星期對她而言是相當深刻。

芯駖@COLLAR自爆初戀男友高大靚仔 發現偷約女仔罰守行為一年【下一頁】

森美鍥而不捨追問Marf的初吻維持的時間，Marf說：「記憶中，我諗3至4秒。」森美驚訝說：「咁短咋？我覺得應該係咁，先輕吻一下，攞咗嗰種感覺先，然後分番開少少，之後再嚟個長，而呢個長係要將你個唇膏摔到冇咁，咁先係肉緊㗎嘛，得4秒，好淡然！」Marf解釋：「因為要就番大家嘅程度，我好容易怕醜，我係到上一段戀情先至開放啲，因為由細到大，我好少同男仔咁好傾偈。之後我就直接返學，含春咁樣做project，但其實呢個kiss發生喺拍拖第4日，過兩日就分開。」至於分手原因，Marf指有日放學，她跟初戀男友及其友人去行街，「行行吓，我已經feel到唔對路，因為佢對眼好似講晒所有嘢咁，我哋上到地鐵，佢同我講『你返到去就打畀我。』我心諗『死梗』，我估嗰兩日期間，佢有同前度傾番偈，於是我喺屋企樓下打畀佢，我費事喺屋企喊，佢話『我諗未係時候，我仲諗緊好多嘢，包括之前嗰個女仔』。」兩人就這樣分手了！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】