上水廣場「祈願『瀛』福」 4大打卡點 浪漫又吸睛

最近黛安逛商場，見到唔少新春裝置都好特別，其中Landmark North上水廣場嘅「祈願『瀛』福」主題裝置，就有4大打卡熱點，情侶同閨密都唔可以錯過呀！例如位於中庭嘅4.5米高「水引花の亭」，由大紅色、櫻粉色及炫金色水引繩編織而成，配以多組水引招福球及祈願紙鶴，祝願大家新一年步步高陞；鍾意打卡必定要去「炫彩招福千羽牆」，3.5米高嘅許願牆以一串串祈願紙鶴為主軸，喺絢麗光影效果映照下打卡一流；仲有「心の祈願閣」及「至『瀛』星光許願樹」打卡點都好靚又浪漫呀。

此外，新地旗下嘅上水廣場、將軍澳中心及PopWalk天晉滙，仲聯手打造咗「結緣‧福至」和風水引限量版利市封，顧客只需喺呢3個商場消費滿指定金額，或The Point會員以指定積分即可換領利市封1包，每包有6個同款利市封；如果消費多啲或儲多啲積分，更可換領「結緣‧福至」和風水引限量版尊貴禮盒，內有18個利市封、1盒韓國濟州茶、1盒皇玥唐果子及1盒手工蝴蝶酥。