Patrick Sir關宛珊一家四口最緊要開心 疫情BB洋蔥頭牙牙學語識拜年

兔年新年快樂！林溥來（Patrick Sir）同太太關宛珊（Kimmy）前年誕下囝囝林若嘉（Preemo）後，Preemo就成為IG大受歡迎的星二代BB，吸引網友瘋狂畀Like！不過這位疫情BB虎年新年因疫情高峰未有機會拜年，今年兔年香港總算生活復常，Preemo終於可以拜會咁多位長輩，牙牙學語的他更早就學識拜年，齊齊同大家講聲：「恭喜發呆！」

{{hket:ul-video id="7475"}}{{/hket:ul-video}}

Preemo現時21個月大，網友看IG就知道，他勁大食勁「大隻仔」，除了健步如飛之外，還遺傳到父母的優良基因，牙牙學語的他已經開始識得講句子。Patrick Sir形容去年虎年新年的Preemo仍像「一嚿飯」一樣，剛剛學會站著，「Preemo係疫情BB，上年疫情好誇張，一家人都冇乜點出去，佢冇乜見過啲長輩， 其實都唔好意思，好多朋友都話想約見佢，但差不多兩年都未見過佢。」Kimmy表示自己屋企是大家族，好多親戚都未見過Preemo，今年終於可以見勻全部長輩！她笑言：「平時出街無論去超級市場還是商場，總有不同的姨姨上前跟Preemo打招呼，『你係咪Momo呀？好開心見到你呀！』大家都係見到佢認得佢先，唔係認到我哋先。」

{{hket:inline-image name="0001-11.JPG"}}{{/hket:inline-image}}

Patrick Sir林溥來囝囝洋蔥頭戒甩奶嘴 分享斷尾要訣：靠意志力加儀式感【下一頁】

Patrick Sir表示未有小朋友之前，他跟Kimmy大多數農曆新年都會去旅行，兩口子會準備紅紙寫揮春，而今年他們都準備不同的揮春，希望跟Preemo一齊佈置家居，讓他好好感受一下新年氣氛。兩位雖然有外傭姐姐，但主力都是由Kimmy照顧Preemo的起居飲食，特別是Kimmy是Patrick Sir心目中的「廚神老婆」，經常都為兩父子親自下廚煮大餐，非常厲害。照顧家庭又要兼顧《Hands Up》的錄影工作，Kimmy說：「我一個月都係返五日左右，大家好好會遷就我，我返工時間就會由嫲嫲幫我湊，完咗工作就盡快返屋企。Preemo都有睇過《Hands Up》，佢一聽到首歌好開心，跟住拍手，見到會認得叫媽媽。佢都有睇過《東張西望》！」Patrick Sir笑言：「係呀，佢見到嗌『爹爹』，但就嗌『唔好！唔好！』，因為佢唔想睇我，佢想睇兒歌，叫媽咪快啲轉台。」

去年Patrick Sir主持的J2節目《開卷》有很好的反應，令整個製作團隊都相當鼓舞，「起初都有憂慮，香港冇乜人睇書，做睇書節目怕冇乜人睇，但大家都好認真去做，幾個主持都鍾意睇書，大家越來越熟都會互相窒對方，鏡頭前有笑有喊。我發現原來主持自己做得投入，觀眾都會睇得好開心。」他笑言節目打破以往做大型活動的司儀模樣，讓觀眾認識他私下真實的一面。Patrick Sir大讚Kimmy教Preemo培養出愛睇書的習慣，令他大感安慰，問到會否考慮過將來Preemo會做甚麼？Patrick Sir被Kimmy踢爆曾揚言想Preemo 15歲就當上CEO，他說：「講笑，佢早日做CEO，咁我哋可以唔使做嘛！講真，過去呢五年間社會上嘅職業變得幾緊要，真係好難想像佢廿年後做啲咩，講真廿年後仲有冇大學都係一個問題，就算我請人都唔一定要大學畢業，但一定要佢學識搵知識。」

Patrick Sir 歲半囝囝遺傳語言天份 應網友建議教洋葱頭講恭喜𢭃利是【下一頁】

{{hket:inline-image name="0001-7.JPG"}}{{/hket:inline-image}}

{{hket:inline-image name="0001-3.JPG"}}{{/hket:inline-image}}

{{hket:inline-image name="0001-10.JPG"}}{{/hket:inline-image}}

Preemo非常可愛得人歡喜，Patrick Sir的兔年願望會否想為他兔年追多個弟妹？他們認為一切順其自然，Patrick Sir說：「見到佢咁開心都會諗吓，想搵個弟妹陪佢玩，睇下點啦！」他認為最重要家庭上下都開心，孩子健康，希望兼顧好事業之餘，可以多花時間陪伴Preemo成長。「工作方面重拾初衷，希望多拍片、開講座、寫書、拍節目等，努力教育別人讓他人進步。」身旁的Kimmy說：「你嘅願望就係我願望，所以我願望係你願望成真！」見到爸爸媽媽冧豬「放閃」，唔知Preemo有冇「閃親」？

{{hket:inline-image name="0001-47.JPG"}}{{/hket:inline-image}}

{{hket:inline-image name="0001-43.JPG"}}{{/hket:inline-image}}

{{hket:inline-image name="0001-41.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

場地：Party Baby（九龍城太子道西382-384號1樓）
攝影：陳健珊、馮凱宜、黃敬博
責任編輯：楊安莉