Patrick Sir囝囝洋蔥頭發高燒 伍文生捱義氣頂廠關宛珊專心湊B

林溥來（Patrick Sir）同太太關宛珊（Kimmy）婚後育有囝囝Preemo（洋蔥頭），唔經唔覺洋蔥頭已經17個月大，主力湊B嘅Kimmy經常都會上載囝囝可愛嘅生活點滴上社交平台，幫洋蔥頭儲咗好多Fans！平日嘅洋蔥頭都係一個開心活躍BB，不過今日佢就唔好彩發燒，成個人冇晒電，媽媽仲特登放假照顧佢添！

勁歌金曲丨陳曉東禁女兒10月來港睇爸爸開騷 陳柏宇爆囡囡公主癌病發被「炳」

{{hket:ul-video id="6489"}}{{/hket:ul-video}}

Kimmy喺生完B 4個月之後已經火速復工，獲邀與伍文生、潘靜文、陳煦凝等擔任兒童節目《Hands Up》主持人，極速收身嘅佢狀態大勇，除事業同家庭都兼顧到，實在令人羨慕。原本今日Kimmy都要主持節目，不過就遇上狀況，洋蔥頭突然發高燒！Kimmy表示洋蔥頭發燒到雙眼皮都出埋，放佢入playmat佢都淨係想瞓覺，好彩有好同事伍文生幫佢「頂廠」，佢先可以專心照顧洋蔥頭。

{{hket:inline-image name="277792623_470613348145536_1427697501065828105_n.jpg"}}{{/hket:inline-image}}

正當大家都好擔心bb嘅時候，Kimmy又post出洋蔥頭嘅食嘢片，高燒之下佢都食到兩碗粥、一個奇異果同一杯寶礦力，仲再問媽媽拎嘢食然後自己開零食櫃拎餅；叉足電之反又再變甩繩馬騮，媽媽捉都捉唔住，不過都可以放下心頭大石！

Patrick Sir工作較忙，早出晚歸，所以照顧孩子嘅工作都由Kimmy一人主力擔當，雖然有工人姐姐，不過就只係幫手做家務，但Patrick Sir媽媽都會幫手湊。Kimmy一星期花兩日出去拍嘢，轉換一下環境，希望BB將來唔會太黐身，媽媽都可以多啲「me time」，不過就專注只做《Hands Up》同KOL工作，因為想抽多啲時間畀BB，同埋唔想奶奶咁辛苦。幸好都有3個小朋友嘅同事伍文生都好體諒佢，Kimmy就可以照顧番囝囝。

圖片來源：Instagram