獎門人新春感謝祭丨何超蓮與「緋聞弟婦」陳瀅同場 何鴻燊千金冇包袱濕身講粗口

噚晚（15日）播出嘅賀年特別版《獎門人新春感謝祭》，除了有「獎門人」曾志偉，帶領五位「獎老」阮兆祥、林秀怡、吳嘉儀、程浩駿及徐文浩外，還有「元老級獎老」林曉峰（阿Lo）回歸擔任主持。呢日嘉賓仲有已故賭王何鴻燊女兒何超蓮、超蓮「緋聞弟婦」陳瀅、王灝兒（JW），仲有余思霆、陳嘉慧、彭慧中、《聲夢傳奇2》畢業生侯雋熙（Duncan）、文佐匡（Sean）、陳昊廷（Timothy）等，陣容鼎盛！

同場加映：洪永城組美滿家庭兼升呢做老闆 囡囡Amber腳粗特訓做舉重選手？

{{hket:ul-video id="7410"}}{{/hket:ul-video}}

何超蓮首度現身《獎門人》，佢興奮表示自己係自薦上去玩。零架子的超蓮全程傾盡全力玩，唔介意食「辣壽桃包」兼濕身之餘，還於「口噏噏」環節因錯誤解讀JW講粗口，「天然呆」極之可愛。

面對超蓮在場男士瞬間變「怕醜仔」，進行「坐波波」環節時，負責夾實氣球的Sean與Timothy一埋位已面青，超蓮忍唔住呻：「做咩啫？！我而家好恐怖咩？」話口未完，獎門人忽然無預警衝前坐爆Sean大腿上的波，為超蓮這位VVIP作親身示範。

{{hket:inline-image name="bf28e2376f833db3952f0cf44e9e3df5.jpg"}}{{/hket:inline-image}}

剛剛從內地回港嘅超蓮，接受訪問時表示聽完簡報就已經覺得驚，因為冇諗到咁污糟仲要濕身，於是臨時買咗一次性內衣褲替換。早前有報道指何超蓮跟男友竇驍分手，今晚何超蓮率先表明不談任何感情問題。另外，佢表示之前喺香港開嘅牛肉麵店已經冇再經營，而家喺上海開麵包店，好快都會喺香港開舖。

同場嘅陳瀅曾與超蓮弟弟何猷亨拍拖，陳瀅同何家的關係都十分融洽，四太曾喺公開場合大讚陳瀅「靚女」，更曾與陳瀅及阿仔何猷亨同及囡囡何超欣一同觀賞麥當娜（Madonna）演唱會。當時四太搭住陳瀅膊頭，關係似乎唔錯。陳瀅更多次由何家專車接送，又獲得四太認可，被大眾認為係「何家新抱」。最後兩人宣布分手，但多次傳出復合。

撰文：黃蘊姿