楊盼盼見證愛女Jessica出嫁感動萬分 長輩羅家英搞笑：未簽字仲有得揀

楊盼盼的愛女楊慈悦（Jessica）今日出嫁，跟拍拖15年的男友Steve結束愛情長跑，拉埋天窗，盼盼姐榮升外母大人。她們廣邀圈中好友出席分享喜悅，包括蔡少芬、張晉、羅家英、黃文慧、趙雅芝、黃錦燊、邵音音、錢嘉樂、錢小豪、黃伊汶、張雷等等，場面非常熱鬧。

同場加映：萬千星輝頒獎典禮2022丨JW超低胸勁撼胡定欣黑色性感誘惑 林敏驄踢波受傷撐拐杖行紅地氈

{{hket:ul-video id="7377"}}{{/hket:ul-video}}

楊盼盼嫁女過大禮收日本珍珠米 甜爆同女婿講：多謝你接收我個女【下一頁】

{{hket:inline-image name="DSC_7674.JPG"}}{{/hket:inline-image}}

Jessica挽住媽咪的手進場，盼盼姐把女兒交託女婿Steve，一對新人先後宣讀誓詞，羅家英興奮大叫：「三年抱兩！」而簽字儀式前，家英哥再三叮囑：「而家仲有得揀呀，未簽字呀！」為溫馨的婚禮場面多添幾分輕鬆有趣的氣氛。Jessica表示婚禮安排由她與丈夫一起籌劃，兩人均是修讀設計系，婚禮細節上十分特別，她說：「希望可以呈現唔一樣嘅婚禮，相信來賓嚟到會有驚喜。（感動到喊？）其實算喊得好少，平時我講少少嘢就喊。講到屋企人難免會流淚，始終媽咪獨力照顧咗我咁耐，希望藉住婚禮多謝佢！」她表示不會跟隨傳統，所以無論是婚戒、龍鳳鐲、首飾等都與眾不同，她說：「媽咪係傳統女性，佢好錫我，肯配合我，而我亦有盡量配合佢要求。」Jessica稱婚禮分兩場舉行，中午宴客主要是招呼媽媽楊盼盼圈中的好朋友，而夜晚就是她自己的朋友及一眾特技演員的兄弟姊妹。

盼盼姐坦言婚禮的感覺很踏實，從女兒籌備婚禮的過程見證著她的成長。作為單親媽媽的盼盼姐表示他們已經拍拖15年，自己也不時提到結婚一事，同時又不想給後輩太大壓力。她說︰「我同個女相處好簡單，我有問題佢可以指正我，大家好似朋友咁樣。我畀佢獨立，但我亦都好保護佢！（想阿女三年抱兩？）我冇乜所謂，小朋友要來就來，睇緣份啦，唔使畀咁大壓力。」她感激「契家姐」趙雅芝、張晉等特別抽空出席到賀，見證她囡囡的大日子，非常感動。

楊盼盼明年初榮升做岳母 囑咐未來女婿：要愛護我個女【下一頁】

蔡少芬在疫情期間定居上海，她否認在上海置業，只是租住，最近才回到香港，她表示：「之前因為疫情加埋工作就留喺上海，本身諗住留一段短時間，冇人諗過疫情時間咁長，我老公工作接工作好密，心態上最重要係一家人一齊。小朋友都好習慣上海嘅生活，好感恩佢哋性格開朗似我，小朋友冇排斥間學校，而且不嬲爸爸講普通話，佢哋都聽慣，不過中文程度一開始唔及人哋，老師好錫佢哋，（你教？）我教唔到呀！我啲普通話『好』到咁，老師慢慢鼓勵佢哋。」她坦言一直記掛香港，特別是爸爸年紀老邁，「有一次我喺深圳望住香港呢邊，只係隔條橋對面，但返唔到嚟，我都忍唔住喊！後來同仔女、老公商量真係要返嚟，唔係因為疫情，而係屋企有事一定要返。」她表示女兒重返原本校園，再見到舊同學十分開心，而老公張晉亦十分體諒，就算推掉工作，也決定舉家回港，「而家我暫時做家庭主婦先，老公就兩邊飛，除非有好吸引我嘅工作，畢竟我而家寶刀未老吖嘛！」

{{hket:inline-image name="DSC_7668.JPG"}}{{/hket:inline-image}}

{{hket:inline-image name="243.jpeg"}}{{/hket:inline-image}}

而家英哥早前不幸感染新冠肺炎，今日在婚禮上精神奕奕，他表示：「好番晒啦，我唔係好辛苦，只係咳同喉嚨痛，我打咗三針，大約五日就好番，阿姐而家都幾好，已經康復。」他表示太太的粵劇演出需要延期，而他亦忙於手頭上的工作，二人計劃農曆新年期間去澳門，探望年紀年邁的八姑娘，問到呂爵安是否到府上拜年？他說：「唔知會唔會嚟呢？問佢先得！」

{{hket:inline-image name="324854550_541179587972003_3998617779362079017_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：黃曉妍
攝影：林良明
撰文：楊安莉