楊盼盼嫁女過大禮收日本珍珠米 甜爆同女婿講：多謝你接收我個女

楊盼盼獨力養大的女兒楊慈悦（Jessica），將在明年1月11日與拍拖15年的男友尹國豪（Steve），在尖沙咀Rosewood Hotel餐廳Asaya Kitchen舉行婚禮。盼盼姐曾叮囑未來女婿要永遠愛護她最愛錫的女兒。

同場加映：百萬同居計劃丨練美娟夥拍型男黃德斌做夫婦 朋友勁羨慕：我終於甩難喇

{{hket:ul-video id="7208"}}{{/hket:ul-video}}

{{hket:inline-image name="22.JPG"}}{{/hket:inline-image}}

{{hket:inline-image name="3424_600.jpeg"}}{{/hket:inline-image}}

依照傳統習俗，結婚前一定要過大禮，男家擇一個良辰吉日，將聘禮和禮金送到女家，以表誠意。昨日，Steve帶齊聘禮到女家進行過大禮儀式，但其實這是非一般傳統的過大禮。盼盼姐將過大禮片段上載至社交平台，在片中，見到除了有囍餅、唐餅外，還有大蘋果、提子、日本珍珠米、鹽、油、日本冬菇、抹茶蕎麥麵等等，盼盼姐說：「油，包羅萬有，珍珠米，我最鍾意食，豐衣足食，仲有雲耳，冬菇，樣樣都有，幾好！」

楊盼盼明年初榮升做岳母 囑咐未來女婿：要愛護我個女【下一頁】

盼盼姐準備了湯丸和雞蛋，每碗有兩粒湯丸和兩隻雞蛋，她望住鏡頭甜笑說：「成雙成對，入面有紅豆、糖蓮子、蓮子、紅棗、龍眼、百合！」及後，盼盼姐拿著回禮利是開地說：「我一生人第一次過大禮，好緊張呀！」她望住未來女婿Steve說：「多謝你，見到禮物有8盒，好有心，心係最難買，我個女交畀你喇，你要照顧我個女呀，好好哋愛護佢㗎，唔理將來點樣，兩個人共患難，一定要好，健康、快樂、幸福。」

Steve一邊細心地聽著未來外母的說話，一邊點頭示意知道。盼盼姐將回禮利是交給Steve，盼盼姐開玩笑說：「唔好嫌我細呀！多謝你接收我個女呀！哈哈哈！」最後，盼盼姐食西餅時，她開心地說：「今日算係人生之中最美好嘅一日！」

楊盼盼感恩母親支持追電影夢 「兩袖清風見到學生成長係無價」【下一頁】

{{hket:inline-image name="21.JPG"}}{{/hket:inline-image}}

對於這個非傳統過大禮，Jessica接受《晴報》訪問時表示，「媽咪話想要米、油、鹽、糖之類嘅嘢，佢同我講總之買啲屋企必須要有嘅嘢，所以我哋就買啲煮餸嘅必需品，至於蕎麥麵，我哋覺得有長壽嘅意思，所以就買咗，同埋媽咪本身好鍾意食抹茶雪糕、抹茶牛奶，所以我哋就買咗抹茶蕎麥麵。媽咪話要蘋果同柑，我哋都按佢意思去買，仲有面膜、眼線筆、暖貼等等，我男朋友鍾意日本嘢，所以就去咗一間日本超市買晒所有嘢。」

Jessica指媽媽不知道過大禮的習俗及程序，所以都有請教盼盼姐的阿嫂，「媽咪聽講有新穎嘅做法，其實佢都好開通，連龍鳳鈪都畀我自己揀啲好型好靚嘅款式；講到嫁女餅，媽咪去買畀我哋，佢唔想我哋操心，但當然我哋年輕人梗係會做返應該做嘅事。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】