新世界「愛互送」×幸福醫藥×順豐香港 捐止痛退燒藥助基層

本港每日確診個案仍有逾萬宗，好多退燒止痛藥短缺又加價，基層市民及院舍就更加「一藥難求」。新世界發展創立嘅香港首個大型捐贈配對網上平台「Share for Good愛互送」有見及此，即與幸福醫藥及順豐速運（香港）有限公司合作，由幸福醫藥捐出約1,700盒止痛退燒藥，由「愛互送」分配畀3間有急切需要嘅非牟利機構，包括基督教家庭服務中心、香港單親協會及陳校長免費補習天地，再由順豐香港送到基層手上，以紓緩佢哋嘅苦況。

黛安知道，「Share for Good愛互送」平台至今運作逾9個月，參與嘅非牟利機構共60間，一直廣獲大眾支持，仲有超過200間企業響應捐贈，現已籌募及配對總值逾$5,800萬嘅善款及物資，令逾30萬人次受惠，主要捐贈嘅物資包括快測包、口罩、超市及快餐店現金券等。