張敬軒染疫後復工自爆有腦霧 宣告六月個唱擬加場增新元素

張敬軒(軒仔)上月在會展舉行跨年演唱會，於第六場騷後不幸確診新冠肺炎，無奈煞停個唱，其後大會宣布餘下場數，將延期至六月中再開騷。現已康復的軒仔近日復工，今日他會見傳媒時坦言為「中招」而自責，他承諾補場中會加入新元素。

同場加映：曾比特牛下成長培養樂天性格 爆炸頭彈走負評成招牌標記

{{hket:ul-video id="7368"}}{{/hket:ul-video}}

{{hket:inline-image name="hins2.jpg"}}{{/hket:inline-image}}

{{hket:inline-image name="hins1.jpg"}}{{/hket:inline-image}}

今日軒現身時仍有咳嗽，他表示正食中藥調理，並指自己有腦霧，又透露確診時相當辛苦，曾發高燒至40度，令他苦不堪言。「當時有考慮係咪要去醫院，因為血氧量低過95，點知好神奇地，高燒完第二朝好似無事咁，突然間變一條綫，啲病毒話走就走，但當我以為好番晒，突然狂咳。」提到演唱會餘下場數被迫延期，軒仔相當自責，「上次同今次開騷無論喺疫情數字定措施都好唔同，五月開騷時，我甚少行去觀眾嗰度，今次有個T字台，我就走去收粉絲啲禮物，結果係上次開騷嘅確診數字仲低過今次。我無特別諗喺邊度惹到，其實係全部喺控制範圍內，我所有同事都住酒店，我每日只係往返場館，已經做到好小心，但最後都中招。」軒仔表示疫情帶給他很多試煉，同時令參透到「無論計劃得幾好，都要睇個天安排。」

{{hket:inline-image name="102.jpg"}}{{/hket:inline-image}}

軒仔同時預告加場的好消息，「放心，但唔會加喺尾，咁我惟有減少綵排時間，加喺前面囉。」他又透露三月會到倫敦巡迴演出，屆時造型師會替他在時裝周搜羅舞台戰衣，因此六月個唱會加入新元素及新歌衫，軒仔表示︰「今次真係塞翁失馬，焉知非福。」另外，為了避開病毒入侵，軒仔忍痛決定六月開騷時，不再接收歌迷禮物，他又指中招後收到媽媽的責備電話，「佢特登打嚟鬧我，話『叫咗你唔好收公仔』，但真係好難，我唔忍心。」軒仔指疫情令他反思，更珍惜所擁有，「所以見到粉絲山長水遠嚟到，有好多生面口又好細個，佢哋送公仔畀我，我真係做唔出就咁走咗去，我有個原則㗎，無論獎座又好，粉絲送嘅禮物又好，將心比己，我都要帶走唔可以漏低。」

{{hket:inline-image name="101.jpg"}}{{/hket:inline-image}}

撰文：倪小珊