麥當勞招財福堡系列回歸 LINE FRIENDS利市封粉絲必儲

新年將至，黛安收到風，麥當勞將推出招財福堡系列及多款新春限定特色美食，包括招財牛堡、招財雞堡、黃金脆薯牛堡以及黃金菠蘿雞堡。其中黃金脆薯牛堡就由脆薯餅沾上濃郁黑胡椒醬嘅牛肉、爽脆洋蔥粒和鬆軟芝麻長麵包組成，口感夠晒豐富；而黃金菠蘿雞堡亦再度歸來，喺鬆軟麵包配上板燒雞腿和爽脆生菜，加入原片菠蘿，令人食指大動。麥當勞同日起亦會推出「推廣價$38歎招財牛堡套餐」，無論去餐廳點餐或用麥當勞App落單都有此優惠；今次新春限定特色美食仲會用LINE FRIENDS卡通圖案包裝盛載，粉絲唔好錯過啊。

多款美食亦會同步回歸，如扭扭薯條、熱情果梳打及紅豆吉士批等，仲有再度登場嘅小龍蝦湯陪大家賀歲。另外，即日起惠顧任何招財福堡套餐，更可獲LINE FRIENDS與麥當勞新年利市封；購買「行運孖堡二人餐」更可獲兩套利市封︰利市封印有CONY、BROWN、SALLY、CHOCO和麥當勞美食，祝大家「麥麥」行大運，豐衣足食，送完即止。