楊明稱坐監十幾日期間不斷反省 認飲酒累事但冇提戒酒：謹慎做人

楊明在監獄度過18日之後，今早正式出冊，在女朋友莊思明和經理人陪同下離開赤柱監獄。他未有如傳統回家跨火盆，反而一出獄就出車直駛回電視城，跟助理總經理（藝員管理及發展）樂易玲會見，但未有跟主席許濤見到面。楊明在電視城獲安排接受《東張西望》及《無綫娛樂新聞報道》訪問。

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

楊明入獄18日出冊心情輕鬆 受盡牢獄之苦身形仍然維持微胖【下一頁】

{{hket:inline-image name="b232400.JPEG"}}{{/hket:inline-image}}

{{hket:inline-image name="667ec.JPEG"}}{{/hket:inline-image}}

{{hket:inline-image name="yeung.jpg"}}{{/hket:inline-image}}

{{hket:inline-image name="YEUNG2.jpg"}}{{/hket:inline-image}}

楊明表達的內容如下：

大家好，我啱啱喺入面出返嚟喇，喺呢十幾日入面，我諗咗好多嘢，反省咗好多嘢，有啲嘢好想好認真咁同大家講。我驚我自己講得唔好，又或者有啲講遇漏，所以我記低咗。

對於我飲酒嘅習慣，為大家同公司帶嚟好多麻煩同擔憂，我深感抱歉。我喺到向大家；同一直關心我嘅家人、朋友同公司，喺到好認真咁同大家講聲對唔住。我好明白所製造出來的行為係完全唔可接受；受到今次嘅懲罰係必然的， 喺裏面呢十幾日我不斷反省，我知道遵守法紀；遵守道路交通規則係非常之重要，我每日都提醒自己，之後一定要謹慎做人，認真工作，做返多啲嘢回饋社會，我不會容許自己再有做出同類嘅事情。

呢件事的確係我人生中好大教訓，希望大家俾多啲空間、俾多啲時間同機會我，等我可以重新出發。

最後希望大家再次接受我道歉。 對唔住。

在影片中，楊明準備好「貓紙」，一邊眉頭深鎖一邊讀出，期昌間兩度站立向鏡頭鞠躬致歉。

{{hket:inline-image name="YEUNG4.jpg"}}{{/hket:inline-image}}

{{hket:inline-image name="YEUNG3.jpg"}}{{/hket:inline-image}}

其實，楊明發生交通意外的翌日都同樣有接受《東張西望》的訪問，當時他身在家中隔空接受訪問，不過他揚言自己拒絕接受酒精測試是因為頭暈，「睇返啲報道見到要差人扶住我，報道話我飲咗酒，拒絕酒精測試，其實當時我撞完車比較暈，狀態唔係太清醒，所以嗰一刻做唔到測試，啲警察嗰刻係想救我出嚟，因為係我部車喺卡住山邊，有一定危險性，佢哋想救我出嚟，送去醫院先。」

{{hket:inline-image name="OLD2.jpg"}}{{/hket:inline-image}}

{{hket:inline-image name="OLD.JPEG"}}{{/hket:inline-image}}

撰文：楊安莉