「結緣‧福至」和風水引限量利市封＋禮盒 新地3商場消費換領

唔少商場每年都會製作精美利市封，黛安收到風，新地旗下嘅上水廣場、將軍澳中心及PopWalk天晉滙，今年聯手推出「結緣‧福至」和風水引限量版利市封，1套3款嘅利市封，以日本具開運招福象徵性嘅「水引」為主題，封套嘅水引繩結代表新年祝福，結集心意，祈求新一年好運連連！封套上金光閃亮嘅熨金與熨銀花朵散發出典雅貴氣，加上以激凸壓印效果印製圖案，真係好靚啊。

而「結緣‧福至」和風水引限量版尊貴禮盒，則以大紅色嘅日式禮盒及立體水引為設計主題，內藏3款限量版水引利市封、由新世界韓國食品引入嘅濟州茶、皇玥應節唐果子，及Cafe Milani鬆化酥脆嘅手工蝴蝶酥，無論係拜年送禮，抑或同家人共享，都係最佳選擇。

公關姊妹話，顧客只要喺以上3個商場消費滿指定金額，或The Point會員以指定積分即可換領1套3款「結緣‧福至」和風水引限量版利市封1包，或「結緣‧福至」和風水引限量版尊貴禮盒，名額有限，換完即止。詳情請參閱場內宣傳刊物。