管家王 ︳淘行李篋轆自行更換只花$70 港男：唔想製造咁多垃圾【保養行李篋6大貼士】

近月港人紛紛外遊，但行李篋塵封多年難免有損壞，近日一名港男分享在淘寶花70多港元購入行李篋轆自行更換維修，大讚效果好，吸引不少網民留言「求Link」。行李篋維修專家亦分享幾個保養貼士，令行李篋更耐用！

同場加映：
Healthy Life︳90後港女全身逾半燒傷 克服劇痛學行擺脫輪椅 「多謝爸媽男友無條件的愛」

{{hket:ul-video id="7332"}}{{/hket:ul-video}}

該男網民在facebook群組「淘寶開心share」發文分享，指自己近日在淘寶網購入一款行李篋轆，以便旅行前自行維修行李篋，並貼出更換行李篋轆前後對比照，「去旅行前，要整吓個轆先！1/4嘅價錢就完成啦！」

據照片可見，行李篋轆更換前佈滿灰塵，至於塑膠亦出現老化，甚至有甩膠情況。事主分享連結可見，一套4個轆約65元人民幣（約74港元），他又形容更換過程簡單：「每個轆換幾粒螺絲就OK！」

帖文一出隨即引起網民熱議，有人形容效果相當不俗，有人指：「真係好勁，搵到啱款啱size」、「請問有無link，我都想單轆換孖轆」，紛紛留言求產品連結。不過有人認為尺寸有機會偏差，費用隨時比請人維修更貴，「搵咗好多間配不到尺寸，所以另買輪片（但要用鋸鋸斷軸心）」、「買個新嘅都係95蚊，換乜吖！」雖然能節省的金額未必太多，但事主表示自行維修也因為環保，不想製造更多垃圾。

6大貼士延長行李篋籌命

所謂預防勝於治療，與其讓損壞時再行維修，倒不如平時小心使用以免行李篋勞損。行李篋維修專門店「喼救站」創辦人李永強Ben Sir就提出6大行李篋保養及安全使用方法，幫助大家延長行李篋壽命，例如避免大力將拉桿一次過拉起，上落樓梯時避免直接用拉桿將篋抽起而應使用行李篋手抽；每次回程後，Ben Sir建議用清水和乾布抹去轆上污垢，如卡頭髮則可用牙籤或幼螺絲批勾出，並定期在拉鍊塗上蠟燭的蠟，可令拉鏈更為順滑，但就提醒不應使用潤滑劑。

另外，存放行李篋也有技巧，Ben Sir提醒第一點是避免放在潮濕或陽光直射位置，否則篋轆容易氧化；其二是可放入乾燥劑或吸濕器，但避免使用樟腦丸，因為只能驅蟲無法吸濕；其三是先將拉鍊及鎖孔固定，再用防塵套套起，減少灰塵積聚。

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

【免費下載】

撰文：鄭婷殷