謝安琪(Kay)憑歌曲《憶年》獲得「2022年度叱咤樂壇流行榜頒獎典禮」的「專業十大、叱咤十大」的第五位,她在台上感性眼濕濕稱爸爸年紀老邁,希望爸爸不要忘記自己,而她坦言自己身體不適,將唱歌的時間留給隨後的歌手,可以好好表達感言,「盡情講,入我數!」非常霸氣。
同場加映:劉穎鏇自小患嚴重濕疹曾向媽媽發脾氣 爸爸陪來港發展與母分隔:我好自責
2022年度叱咤樂壇流行榜頒獎典禮丨COLLAR合體八女手拖手出場 So Ching身形清減歡顏再現獲全場鼓勵【下一頁】
Kay在後台接受訪問時表示:「呢首歌除咗係送畀偶像林憶蓮,亦係想送畀爸爸,爸爸開始年紀大,近排身體唔好唔係幾舒服,多謝爸爸細個帶我去勻香港唔同地方,到我長大見到好多新舊交替。」她坦言家人對她而言好重要,提到爸爸病情時,不禁哽咽:「爸爸就嚟90歲,開始唔記得嘢,我都好擔心,希望將呢隻歌同呢個獎送畀爸爸,希望佢唔好唔記得我,唔記得呢個城市。我成日同佢傾偈見面,不過近排佢入咗醫院,好似好大變化咁,好多嘢唔記得,好多嘢都唔太清晰咁,作為女兒係好擔心。醫生評估緊佢情況,爸爸仍然仲記得我,講得出我個名,但爸爸講嘢就唔太明白,有時唔見咗佢,搵唔到佢,搵番佢之後問佢去咗邊都唔知,有啲認知障礙,我都大個女要肩負起呢個責任照顧爸爸。」
Kay坦言因為拍攝外景而不幸冷病,怕會影響聲聽醫生勸告不要唱歌,要好好養生,「唔可以威威搞到自己咳,呢4分鐘唱歌時間留畀其他歌手,送寶貴時間畀佢哋係好貴重禮物。」
謝安琪染金髮扮Rock友 唔搽潤手霜為「音樂人之手」自豪【下一頁】
MC張天賦的《小心地滑》獲得第二位,他接受訪問時被問到YouTuber熊仔頭在他宣布休息的最後一個影片中,公開向他道歉,熊仔頭認MC和前女友Santis被拍之時,兩人早已分手,但由於「戴綠帽」之說會引起更多話題,或者對影片點擊率有一定作用,所以他選擇不作解釋,並不時用「綠帽」做話題,他向受影響的Santis同MC公開道歉,問到會否接受他的道歉,MC表示:「我唔知發生咩事,呢啲唔回應,畢竟件事已經過咗,我都冇擺喺心入面,(被人利用?)被人利用都代表我有利用價值,(形象受影響?)我覺得以目前成績而睇冇影響我音樂旅程,不過遺憾係仲未有超市搵我做代言人。」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
採訪:王連連
撰文:楊安莉