MC張天賦紅館騷望與亡父有連結 最怕體能唔夠搵「賦二代」幫手？

歌手張天賦（MC）將於明年1月20至22日舉行首次個人紅館演唱會，門票日前公開發售僅僅三小時就全部售罄，近年作品《反對無效》、《記憶棉》、《小心地滑》等都成為廣大樂迷的至愛。MC以「This is MC」為題在農曆新年開騷，他笑稱若然萬一體力不支的話，靠「賦二代」幫手唱兼派利是搞氣氛！

{{hket:ul-video id="7280"}}{{/hket:ul-video}}

首個紅館騷後日開售勢掀撲飛潮 MC張天賦開騷在即聲沙：天氣轉涼！【下一頁】

{{hket:inline-image name="0001-23.JPG"}}{{/hket:inline-image}}

{{hket:inline-image name="0001-32.JPG"}}{{/hket:inline-image}}

MC出道短短一年多時間，推出一首又一首的Hit爆好歌，人氣急升兼吸納不少歌迷，直接一鼓作氣推他踏上紅館舞台。「我出道之前，其實唔知麥花臣場館同九展有得做騷，一心以為做得只得紅館呢個地方，因為我睇親騷都係紅館，所以我覺得呢個係一個好夢幻嘅舞台，知道有機會喺紅館開演唱會係好意外同驚喜嘅一件事。」

{{hket:inline-image name="THISisMC-A2Poster.jpg"}}{{/hket:inline-image}}

MC的歌曲出名高難度，過往有不少樂迷都用他的歌曲挑戰歌唱比賽，經常被形容為「自殺式選曲」，MC謙言：「歌唱比賽嚟講，至今我未聽過人唱《小心地滑》，反而最多係唱《反對無效》或者《記憶棉》，其實開心嘅，佢哋用得呢首歌比賽，證明首歌有一定難度，（揀咗可能會瀨嘢？）首歌剛剛推出時係好開心，因為我自己都鍾意高難度或聲嘶力竭嗰種唱法，比較容易表達到情感，但去到做騷一睇個程序表，呢一部分全部難唱，唔緊要，下個環節好啲？唔係喎，下一環節都係冇得唞，唔緊要嘅，我會盡力！」

他笑稱自己歌曲絕對能夠駕馭，但畢竟要唱足三場，加上要跳舞，難免要計算體力的分配，現時正積極努力跑步練氣，希望可以增強心肺功能，表現出最佳狀態給樂迷看到。問到戒打機還是節食比較辛苦，MC笑言雖然節食健身都幾乎令他吃不消，但他心裡面還是戒打機比較辛苦。除了三場的體力外，相信MC都要顧及他的情緒，事關由他的名字、演唱會的主題、海報設計等都離不開亡父的元素，一向愛錫爸爸的MC直言：「呢個騷圍繞核心係我，無論係我鍾意嘅曲風、我想講嘅訊息、表現嘅態度，都同我好有關係，我相信演唱會會同爸爸都所連結。(怕唔怕情緒失控？）我都擔心，盡我能力將最好方面表現出嚟，有咩情緒留到騷完先爆。」

尖沙咀碼頭禁玩奏樂器 MC張天賦感無奈 曾於街頭演唱被趕：話我哋嘈得滯【下一頁】

MC一向愛做自己，以往跟華納歌手開直播時的亂言亂語，樂迷特別愛他。今次他認為演唱會畢竟要面對近萬的場地，希望用自己能量去感染到大家絕對是一門學問。他表示：「事前我會做少少準備，點樣令一啲說話或者肢體講故事更加說服到人，無論係感人或者好笑，我都要下苦功，唔係夠Kai（傻）就得！」

MC有型有款，跟農曆新年傳統喜氣洋洋的感覺不太配，他笑言：「暫時細節未有安排，經過今次訪問會諗下點處理，雖然我唔太過節，但我鍾意新年，因為大家好開心會買新衫，又有利是收，互相精神咁講祝賀說話，好鍾意個氣氛。希望大家嚟睇騷，著新衫又同埋屋企人嚟睇，袋住啲利是，順便就畀幾封我，可惜因為疫情，冇得近距離接觸，可能我場外設一個專收利是嘅大箱。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

髮型 : Cliff chan @ hair corner k11 musea
化妝 : Tammy Au
服裝 : @jnby_croquis_hk @dotshop___
撰文：楊安莉
攝影：陳健珊