江美儀的演技早已得到無綫和觀眾認同，今年，她憑無綫劇集《下流上車族》，角逐《萬千星輝頒獎典禮2022》3個獎項，包括「最佳女主角」、「最受歡迎電視女角色」及「最受歡迎電視搭檔」。
同場加映：COLLAR合體So Ching堅強展笑容 MIRROR掃八獎 姜濤向主診醫生致歉
早在2010年開始，江美儀連續3年在《萬千星輝頒獎典禮》獲提名「最佳女配角」、「最佳女主角」等獎項。她日前在港台接受由陳圖安主持的《安哥同學會》訪問，對於當時雖然獲提名，但最後得不到獎項，江美儀笑說：「一定畀你嘅咩！哈哈！」
頒獎禮除了靠實力外，更要配合天時地利人和，江美儀說：「冇（獎）咪再嚟過囉，但我要多謝《九江十二坊》呢套劇，當時係HKTV（王維基的香港電視）剛剛掘起，好多人被高薪挖角，TVB就好驚，逐個演員傾，我話『留喺度冇所謂，但人工係咪要調節呢？我去到咩位，唔係我自己講，係你哋話嘅，首先你哋提名我『最佳女配角』，去到《九江十二坊》，我係女主角添喎，我唔傾女主角人工，女配角（人工）都有喇啩！』我當時人工係特約（演員）價錢，我真係好好彩，加咗幾高%嘅人工，有啲高層見到我，都話我叻女。」
下流上車族│江美儀頒獎禮前夕請兩個女食飯 林敏驄拍片出賣羅毓儀素顏樣【下一頁】
回帶江美儀當年約滿離開亞視後，在沒有工開的日子，一日，梁思浩致電她，邀請她每星期主持一日港台節目《瘋Show快活人》，在這段日子，江美儀指自己很懷疑人生，她說：「ATV又冇嘢做，又冇搵我，呢行幾得意，首先我哋亞洲電視藝員已經係次一等，唔知點解，佢哋嘅價值觀覺得亞視啲人係低人一等，低人一等都冇嘢做，真係慘過地底泥，後來要多謝吳君如，當時君如喺無綫有個節目《星星同學會》，有兩輯，第一輯係君如，第二輯都想搵佢，君如好好，當時我同佢細佬（吳君祥）拍緊拖，亦都知道我情況，佢覺得我又唔係差，其實應該可以有好多嘢做，當日佢約咗我、樂小姐（無綫高層樂易玲）飲茶，同樂小姐講『你哋都唔係唔要人，睇吓有咩可以做。』所以我入到TVB係因為君如。」
萬千星輝頒獎典禮2022｜陳山聰15項提名同林敏驄爭視帝 陳瀅鮑起靜江美儀角逐視后【下一頁】
加入無綫後，江美儀指自己採取一個低調態度，直至有套無綫劇集開鏡，才被傳媒發現她已過檔無綫，「唔好諗自己喺亞視有咩地位，去到人哋新公司，就要由低做起，況且人哋又唔係畀啲好差嘅角色你做，都唔係由茄喱啡開始，咁咪慢慢做，我又唔係鍾意做新聞，我唔識做呢啲嘢，我係實幹型。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】