賈思樂稱早已預測88年澳洲車禍 因為一個女人幸好大步檻過

現年68歲的賈思樂（Louie）是中葡混血兒，最近作客《香港演藝人協會》，接受訪問憶起兒時讀書時，對未來有有四個願望︰分別是做設計師、做明星、做歌星和化妝師，Louie稱當時雖被同學嘲笑，但他一臉自信地說：「我都算做到三樣，除咗做唔到設計師，人始終會夢想成真。」

同場加映：劉穎鏇自小患嚴重濕疹曾向媽媽發脾氣 爸爸陪來港發展與母分隔：我好自責

{{hket:ul-video id="7331"}}{{/hket:ul-video}}

{{hket:inline-image name="317972059_10167206977800531_7012177410583920507_n.jpg"}}{{/hket:inline-image}}

{{hket:inline-image name="10.JPG"}}{{/hket:inline-image}}

Louie在1974年參加由譚炳文和王愛明主持的《聲寶之夜》歌唱比賽，最後得到第三名，簽下TVB歌星合約。及後，Louie獲甘國亮賞識，欲邀請他簽約，成為TVB合約演員，主演青春劇《少年十五二十時》。Louie表示當時任職受聘於姐夫的公司，寫字樓工作月薪有500元，笑說：「阿媽話薪金唔好少過500蚊，我心諗如果600蚊，起碼我同阿媽交代到，點知甘生話出到1,500蚊！我就吞咗啖口水，開心到呢...最後我簽咗兩年，就係咁踏入TVB做藝員、歌星，一做就做咗14年。」

賈思樂喪母遇車禍歷五大低潮 以過來人身分助人抗抑鬱【下一頁】

1988年，Louie與余綺霞、麥景婷、程思俊遠赴澳洲，為《歡樂今宵》拍攝外景，途中遇上車禍，Louie說：「呢次車禍...早喺我讀書時...有個占卜師Maria預測到有呢件事，呢位老人家係吉卜賽人，有次我去探佢，佢幫我占卜，第一張牌係一個男仔，有隻雀喺側邊唱緊歌；第二張牌係一架飛機，佢話我畢業後會離開澳門，去一個好遠地方工作...會有意外，呢次意外會牽涉車、綠色、水，佢叫我做多啲善事，善事可以減輕我傷勢。件事一定會發生，冇得避，如果我能夠克服到呢個困難，我會幾好...隔咗咁耐，點記得吖！」

大家認到幾多個？｜任達華曬1978年《青春熱潮》大合照 43年後演員久違敘舊友誼永固【下一頁】

Louie憶述當年在澳洲取景拍攝時，恰巧坐一輛綠色車前往一個有瀑布的地方，他直言仍未想起占卜師的預測，指車禍發生來得很快，「我哋架車一直喺度轉，我信奉天主教，就話『God, please make it stop...我請求你停咗呢樣嘢，我好驚呀！』自己爬出去，大約4呎左右，我都冇力喇，心諗如果架車要爆炸，我都冇辦法，但幾困難都要爬出去，喺我等待（救援）時，好感恩好幸運，同一時間有架旅遊巴都係去瀑布嗰邊，咁啱有幾個外籍醫生同護士，so lucky! 真係咁巧合，佢哋即刻幫我哋，我望住架車...扁晒！突然之間，諗到幾10年前，嗰位占卜師嘅說話，我好感謝呢位女士，因為我做咗好多善事，我大步檻過，冇死到！」

{{hket:inline-image name="203397265_4235952586426298_4687740631952717242_n.jpg"}}{{/hket:inline-image}}

一直以來，Louie與媽媽的關係親密，媽媽的離世，對他打擊很大，因而患了抑鬱症，他憶述：「當年我喺台灣都幾紅，做嘢期間，收到香港發嚟嘅消息，話媽媽離開咗我...我晴天霹靂，處理媽媽喪事之後，完全冇心機做嘢，成日都唔開心，幾個月完全唔見人。」幸有好友狄寶娜·摩亞（Deborah Moore）、廖安麗開解他，陪伴他，才能走出陰霾。

{{hket:inline-image name="13.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】