1987年港姐季軍｜林穎嫺確診新冠肺炎感覺似傷風 賈思樂美國回港隔離分享近況

1987年港姐季軍林穎嫺現已移居美國，日前在YouTube開live，透露自己確診新冠肺炎。直播中她聲沙沙，不少網民以為她傷風，她說：「個徵狀好似傷風，其實星期二開始有啲muscle pain（肌肉痛），少少好low grade嘅fever（發燒），跟住有少少鼻水，好似傷風咁嘅。本來星期三約咗去打booster（加強劑）就冇打到，去咗做PCR Test（反應性蛋白試驗）。尋日收到結果，中咗COVID。」

{{hket:inline-image name="271726050_7174303885920533_343063104092692825_n.jpg"}}{{/hket:inline-image}}

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

林穎嫺指美國有好多確診案例，而佢身邊亦有八、九成朋友都中咗，「不過唔使擔心，只係有啲喉嚨痛，又冇肌肉痛、流鼻水、發燒同咳，好似有少少傷風嘅感覺，人攰攰地，我都瞓咗好多個鐘頭，晚晚都瞓十個鐘頭以上，係把聲沙沙哋，其他都冇乜嘢，個人好精神。」

{{hket:inline-image name="wing.png"}}{{/hket:inline-image}}

她表示Omicron傳染力好強，即使出街戴口罩，用酒精搓手液搓手都被感染。不過她亦叫大家不用擔心，「好似一場傷風咁，醫生話要留喺屋企五日，之後沒有徵狀嘅話，就可以正常過日子，唔使再做檢測。」

她指自己現在留在睡房自我隔離，不會與仔女見面，而小朋友同狗狗都冇事。她叫大家唔使太緊張與擔心，「今次嘅Omicron比起2019年嘅COVID殺傷力弱咗，徵狀輕咗。可能我哋打針有幫助啦。」

{{hket:inline-image name="lam.png"}}{{/hket:inline-image}}

林穎嫺猜測感染肺炎的原因可能是因為之前經常外出，又曾去球場睇波。「可能太多人感染到，不過唔緊要啦，都唔係好大件事，呢個新年假期玩得好開心，好朋友賈思樂、楊寶玲、蘇珊嚟咗探我哋，好彩當時未中招，大家可以聚吓一齊食飯，我亦都同Louis（賈思樂）傾過偈，大家都同病相憐，兩個隔離緊，佢唔係中招，佢係嚟咗美國返香港，要隔離21日，佢啱啱去完竹篙灣隔離營，而家去咗酒店隔離。」

賈思樂亦在IG分享近況，他表示自己從美國回港，先在竹篙灣隔離營隔離了四日，之後再轉到酒店隔離。「我個人意見…我真係覺得竹篙灣唔係好似有啲人所講咁差…四晚啫，有床畀你瞓，有三餐畀你食，樣樣嘢都好乾淨，個冷氣又夠凍…我覺得已經好ok…嗰四晚好ok。」他又指自己都挺喜歡隔離酒店，因為景觀是對住山景，「朝朝早開窗見到山景好開心，成個人心情好靚。」他指自己會在酒店做運動、練歌及睇戲打發時間。最後他表示還有十日就可以離開隔離酒店，著大家不用擔心他。

1987年港姐｜林穎嫺孖同屆冠軍於美國聚舊 楊寶玲保養得宜完全唔似54歲【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】