姜濤「進駐」The Forest陪大家跨年 歎咖啡認識預防HPV

話咁快仲有1日就踏入2023年喇，黛安聽聞，旺角The Forest商場貼心安排咗人氣王姜濤陪大家跨年，地下廣場由即日起至明年1月11日，將設有HPV互動遊戲區，姜濤會親自出題，考考大家對HPV嘅認識，喺推廣HPV相關疾病知識嘅同時，引起大眾對保護自己與伴侶重要性嘅關注，真係好有意義！

見到姜濤又點可以唔打卡？姜糖只要稍移玉步到商場1樓中庭，即可見到巨型HPVx姜濤展示區打卡位。該區更特設仿真草坪同小木椅，畀姜糖可以一邊歎咖啡、一邊打卡，仲可以一邊欣賞姜濤早前參與拍攝預防HPV嘅微電影，十分寫意。大家記住留意商場開放時間，一齊嚟甜甜蜜蜜「親近」姜濤同開心跨年，為今年寫上完美句號喇！