蔡嘉欣怕父母自由行泰國生意外 即興改帶兩老遊法國十日勁孝順

2019年落選港姐蔡嘉欣（Kayan）是非多多，一向鍾情名牌手袋嘅佢甚至被網民封為「拜金港姐」，經常在YouTube及各大社交平台炫耀富貴生活，除咗惹人羨慕之外，都引來咗唔少haters。蔡嘉欣搵到錢除咗自己享樂之外，也善待家人，日前佢就同父母踏上十日法國之旅，好孝順呀！

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

蔡嘉欣在網上分享多張與父母同遊法國照片，留言：「很突發的旅行...幾個星期前我媽媽打電話給我，叫我幫他們買機票/訂酒店去泰國旅行。我一句『自由行得唔得㗎你哋？唔好啦！我驚你哋畀人捉入園呀』打發了他們，終於在2星期前意外search到聖誕節居然可以換到機票，就出發了！第一次單獨湊住爸爸媽媽去旅行，我都好多年無plan過一個trip，很有挑戰性，希望未來十日順順利利，希望佢哋玩得開心。」

{{hket:inline-image name="321972387_693442068820145_1402298550917046215_n.jpg"}}{{/hket:inline-image}}

蔡嘉欣父母似乎非常enjoy，仲帶晒飲衫同阿女去打卡。蔡嘉欣推薦網民自駕遊，「如果你來巴黎，如果你有國際車牌，高度推薦預留首3日2夜去Loire Valley一帶玩。距離Paris 2.5小時車程，有一望無際的草地，很多城堡還有不同小鎮，（物價）比巴黎也便宜得多。」

自出道以來，蔡嘉欣的工作量不多，大部分是劇集大配角，不過就生財有道，自己有多瓣生意，KOL工作亦賺唔少。早前佢被指有份參與富豪飯局，亦不厭其煩澄清係「假新聞」。佢識得搵錢都好識享受，冇耐之前同男友去完法國旅行，今次再一拖二同兩老遊法國，孝順嘅女仔真係最靚呀！

撰文︰娛樂組