星光路上︳鄧智堅想憑《下流上車族》攞奬 夠膽挑戰男一：呢行係長途賽

鄧智堅憑台慶劇《下流上車族》細孝一角而人氣急升，入圍角逐《萬千星輝頒獎典禮2022》「最佳男配角」獎項，並穩佔10強行列。鄧智堅接受TVB娛樂新聞台《星光路上》主持人潘盈慧訪問，透露對獎項的看法，訴說當年為何由舞台劇演員，搖身一變成為電視台演員。

{{hket:inline-image name="12281001.jpg"}}{{/hket:inline-image}}

{{hket:inline-image name="313976097_1911803492507473_3618706215148039682_n.jpg"}}{{/hket:inline-image}}

同場加映：炎明熹認乖女因一事激嬲姑丈怒罵 明年18歲望滿足歌迷開紅館個唱

{{hket:ul-video id="7290"}}{{/hket:ul-video}}

鄧智堅今年可算豐收一年，入圍角逐TVB台慶頒獎禮「飛躍進步男藝員」、「最佳男配角」及「最佳資訊及專題節目」三個獎項，雖然「飛躍進步男藝員」已知不入10強，餘下兩項仍有機會獲獎，當中憑《下流上車族》角逐「最佳男配角」，外間呼聲甚高，而身為真人騷《就算得你一個觀眾》監製的他，「最佳資訊及專題節目」獎項亦叫緊糊。鄧智堅表示：「係好開心，冇諗過入圍3項，就連我做監製嘅J2節目都入圍，真係喜出望外！非常感恩咁多年做嘅嘢終於畀人見到，起碼見到先，行到幾遠冇人知。之前入電視台會諗，試幾年先啦，如果（事業）真係暗淡就走，試咗幾年真係有好多機會，人哋開始關注你嘅作品。（畀自己5年留喺電視台發展？）今年啱啱第5年，真係天時、地利...堅持都好重要。（最想攞到哪個獎項？）嘩！咁梗係想攞演員獎項，希望可以襯得起驄哥（《下流上車族》拍檔林敏驄），講住咁多先...哈哈，希望一切順利啦，多謝網民、觀眾同劇迷支持，收到好多回應，多謝有投票嘅觀眾。」

下流上車族│鄧智堅下跪道歉原來即興加戲 「八婆表妹」令朱凱婷出街被鬧【下一頁】

至於下個目標是否想做男主角？他說：「順其自然，會發生就會發生，冇嘅亦都唔會太抗拒，最緊要有好劇本、好角色，係唔係主角都欣然接受。正如你夠膽搵我做某個角色，我就夠膽接受挑戰！你夠膽搵我做男一？我就夠膽接受考驗！你覺得我未適合？我會做番份內事。呢行就係咁，係長途賽，我要練好自己肺活量，因為呢行係長跑。」

下流上車族丨鄧智堅一晚連踩三劇造型百變 扮老演林敏驄好兄弟：冇違和感【下一頁】

鄧智堅坦言不是從小就培養出當當演員的興趣，而是中學放暑假去參加戲劇演出時，在過程中真正認識自己，「令我接觸多咗人，夠膽將平日坐喺度發白日夢啲嘢，擺入去我嘅作品，跟住好想了解多啲戲劇藝術係咩一回事，於是就去演藝讀書。（為何由舞台劇場走入電視台？）我睇到...過多幾年會去到一個樽頸位，我都係會繼續做，不停去跑舞台嘅騷，接好多唔同作品，維持日常生計；但係越鍾意嗰樣嘢，應該選擇間唔中去做一次，所以先覺得舞台作品方面要減產，同時去開發唔同平台，機緣巧合下，我就喺電視台出現。仲記得有個綜藝節目搵啲演藝學生，要搞笑又好玩，咁啱搵咗我入嚟做一啲綜藝節目。」

（↓點擊放大睇圖片↓）

鄧智堅加入TVB初期，擔任綜藝節目《最緊要好玩》、《食得好健康》及《粵講粵㜺鬼》等的主持，又客串演出劇集《使徒行者2》、《救妻同學會》及《香港愛情故事》等；至今年升呢做真人騷《就算得你一個觀眾》監製，同時劇集《青春不要臉》及《下流上車族》叫好叫座，獲得外界肯定。他指《下流上車族》令他感到過癮，「畀我嘅感覺係，再喜出望外一啲，班底又再刺激啲！劇中係做林敏驄嘅好兄弟，網民好鍾意我嘅造型，試鏡時我整亂頭髮又留咗鬚根，想人物望落成熟啲，加上角色特徵係好忙，唔會點打理嘅人，我就扮到好頹咁去見監製，都驚畀人話我扮老，到最後得知劇集收視好好，網上又好受歡迎，真係好開心。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】