下流上車族丨哈比家族麻雀打龍通呃Emma錢 鄧智堅爆執二攤急急頂上演細孝

《下流上車族》昨晚的一集放題式發放笑彈，先有Karen（江美儀 飾）當上鐘點工，打理丁友善（袁文傑 飾）的舊居，點知麻煩表妹晞嵐 （朱凱婷 飾）突然返港硬闖舊居，Karen為怕穿煲，闖入浴室與友善尷尬共處一室，最後二人做戲「扮咿唈」兼飛Bra嚇走晞嵐。丁友善突然向Karen狂獻殷勤，玩送花又玩壁咚，冧到Karen暈得一陣陣，但原來是後者會錯意，友善的心儀對象其實是她的女兒芊芊（郭柏妍 飾）。

同場加映：下流上車族丨羅毓儀出道兩年機會不斷感幸運 靠動漫鼓勵望努力彌補童顏缺點

{{hket:ul-video id="6883"}}{{/hket:ul-video}}

下流上車族丨鄧智堅一晚連踩三劇造型百變 扮老演林敏驄好兄弟：冇違和感【下一頁】

{{hket:inline-image name="OOYSD.jpg"}}{{/hket:inline-image}}

{{hket:inline-image name="FTTTD.jpg"}}{{/hket:inline-image}}

{{hket:inline-image name="TYDTT.jpg"}}{{/hket:inline-image}}

{{hket:inline-image name="GGGDO.jpg"}}{{/hket:inline-image}}

{{hket:inline-image name="HTHIU.jpg"}}{{/hket:inline-image}}

另一邊廂，「哈比家族」細孝（鄧智堅 飾）、兩公婆阿力（關曜儁 飾）和阿詩（林穎彤 飾）見Emma婆婆（鮑起靜 飾）獨居且富有，決定與車志明（林敏驄 飾）合謀出千騙財，在麻雀枱上瘋狂打眼色、做牌，可惜仍然不敵Emma婆婆這位「雀后」。

關曜儁受訪時笑言收到劇本時，已十分期待「竹戰」戲的來臨，透露當日拍攝了十多小時，但一點都不感到疲倦，大嗌好玩，他說：「因為我哋幾個都唔識打，係得鮑姐識玩，靠晒鮑姐幫手。劇組做足準備功夫，佢哋事前要排好晒啲牌打一次，又要幫我哋疊牌。」

下流上車族丨林穎彤撇甩乖女形象演極品港女 超寸嘴瘋狂被江美儀用筷子打手【下一頁】

關曜儁跟「老竇」鄧智堅昨晚於IG Live討論劇情，不斷有網友追問父子之間真實的年齡差距，後者大方認比前者大11年，「商天娥都生得出郭晉安啦（《隔世追兇》）！好似大1、2年之嘛，點解唔得呀？」當收到消息要演兩父子，關曜儁踢爆，原本細孝一角由韋家雄演繹，「我一早知韋家雄做我老竇，黑哥（姜皓文）做男主角，一切有晒畫面。點知後來監製話轉咗你（鄧智堅）做老竇，我同阿堅個樣都好細個，說唔說服到觀眾呀？」續稱，得悉鄧智堅刻意留鬚和帶備拖鞋去試戲，讚對方非常認真，「我同林穎彤知道之後，第一吓都有擔心會唔會個樣太細個？不過開咗幾日工，見到佢有留鬚又化淡妝，好有老竇嘅感覺！」

鄧智堅補充：「你爆咗真相出嚟...的確呢齣劇好少時間準備，因為我係執二攤，而且所有主要對戲演員都冇合作過，觀眾有而家呢個反應（讚許），真係好離奇。原本係韋家雄演呢個角色。無論外貌同年紀都差好遠，我都要做好多準備功夫去說服自己。」韋家雄現時57歲，比40歲的鄧智堅大17年，後者有童顏加上造型上花了不少功夫，一樣說服到觀眾，實在厲害！

拍攝完結後，關曜儁也沒有改口稱呼對方為「老竇」，鄧智堅搞笑說：「你雙喜臨門喎，我做阿爺喇！期待孫女出世！」關曜儁跟女朋友預定2023年10月舉行婚禮，「結晶品」預產期則為明年3月中，他笑言到時擺酒要預一圍畀「老竇」鄧智堅，再預一個主人家襟花給他。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

 

責任編輯：楊安莉