姆明一族現身7CAFÉ 買咖啡套券送精美陶瓷杯

7-Eleven自家品牌7CAFÉ又為大家送上窩心新優惠喇！黛安收到風，最近7CAFÉ聯乘北歐童話角色姆明一族，推出7CAFÉ咖啡套券優惠，以$160購買7CAFÉ咖啡套券，即送「MOOMIN陶瓷杯連立體杯蓋」！

呢套杯有兩款設計，當中1款以極具北歐風嘅「姆明之家」做設計主題，圓碌碌嘅杯身還原咗「姆明之家」獨特嘅北歐建築造型，加埋彷尖型屋頂嘅立體杯蓋，真係好精緻。杯身主色用上紅和藍相襯，印上多位姆明嘅家人和好友，畫風細緻又不失童話感覺；另一款則以姆明谷森林做靈感，以湖水綠色做主色，杯身印咗史力奇立體浮雕圖案，更顯姆明谷嘅森林氣息。即日起至明年1月17日，凡購買7CAFÉ咖啡套券，即送「MOOMIN陶瓷杯連立體杯蓋」1隻，兩個款任你揀，數量有限，售完即止。