「TASTE × FRESH新鮮生活」新店落戶屯門 AR打造購物新體驗

「TASTE x FRESH新鮮生活」繼去年開設首間聯乘概念超市後，黛安知道，最近佢哋已開設第4間分店，落戶屯門市廣場2期2樓，概念超市面積近2萬呎，搜羅逾萬款來自本地及全球各地嘅全新產品及新鮮食材，更首次融入AR擴增實境技術及元宇宙遊戲元素，以互動體驗打造全新購物新地標。

公關姊妹話，全新分店喺開幕期間於多個地方特設融入AR技術嘅打卡熱點，將虛擬新鮮食材與唔同場景融合現實，畀顧客透過手機掃瞄QR Code以啟動AR相機，猶如置身真實場景打卡影相，帶來極具娛樂性嘅購物體驗。屯門市廣場概念店內仲設有6個融入AR技術嘅唔同主題打卡點，包括海洋主題、日本旅遊主題及農場主題等，顧客掃描全部打卡熱點後，仲可憑手機掃描紀錄換特別獎賞㖭。