仁濟心︳蔣家旻繼反骨琪後演反叛學生妹 「有參考以前自己嘅中學造型」

《仁濟心》本周六（24日）播出的第四集，講述由蔣家旻飾演的Phoebe，小時候被親母遺棄，要暫住兒童之家而遇上文雪兒飾演的林Auntie；雖然林氏夫婦對她照顧有加，但Phoebe性格反叛，十分抗拒。她闖禍後，終明白林氏夫婦的無私付出，及後立志成為社工服務弱勢，傳承「超越血緣的愛」。

{{hket:inline-image name="TVB08.jpg"}}{{/hket:inline-image}}

{{hket:inline-image name="TVB04.jpg"}}{{/hket:inline-image}}

同場加映：黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

蔣家旻這次要挑戰「逆齡」飾演反叛中學生，笑言有參考以前自己的中學時代的打扮，「化妝方面淨係搽咗粉底液，遮咗眼圈，另外有紮番中學時代嘅髮型，工作人員話我有初中生嘅感覺，都好多謝佢哋鼓勵我。（年輕時跟角色一樣反叛？）我係獨生女，好知道自己喜歡啲咩，唔想做或唔感興趣嘅事點強迫我都冇用，真係會同屋企人唱反調！屋企人會覺得我反叛唔聽話。」

演中風母親︳韓馬利患腦膜炎險死明病人心態 自身經歷：家人支持安慰好緊要【下一頁】

提到《美麗戰場》內飾演「反骨琪」，坊間反應不錯，提名台慶頒獎禮「最佳女配角」獎，蔣家旻笑指「反骨琪」同「Phoebe」各走極端，「演《仁濟心》會有種從良嘅感覺！有觀眾睇咗《仁濟心》後留言話掛住我之前做性格純品嘅角色。」曾就讀仁濟醫院林百欣中學的蔣家旻，拍攝《仁濟心》有份使命感，「一來自己喺仁濟旗下中學讀書，二來自己係仁濟之星，每次接觸有關仁濟嘅工作，都有份使命感。今次拍攝令我諗番起昔日校園嘅生活片段，之前我都有返學校探老師，先發現無論課室、課程同埋老師都變咗好多。」

（↓點擊放大睇圖片↓）

此外，文雪兒的角色，原型林太在兒童之家服務多年，照顧超過60名孩子，並在早前退休。林太表示在兒童之家做「家長」有一定難度，且不能完全倚靠自身湊小朋友的經驗，「最基本要湊8個小朋友，而且8個都嚟自唔同家庭背景，所以唔可以好似對自己小朋友咁，要佢哋點點點，而係要睇個別情況去調節。」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】