短劇《仁濟心》透過演員演繹五個真實個案，從而帶出「殘而不廢」等正面訊息，演員陣容包括袁偉豪、蔣家旻、錢嘉樂、韓馬利、文雪兒、吳家樂、寶珮如、董敬文、李紹堅、譚永浩（Jarryd）及曾淑雅（Jumbo）等。 今晚《仁濟心》播出的第二個故事真實人物原型為患有輕度智障的視障人士高嘉鴻（譚永浩飾）。
同場加映：樊亦敏透過比賽增自信散發光芒 蔡國威林子超把握機遇「被看見」
流行都市｜譚永浩獲蘇民峰上門睇風水指點迷津 努力工作賺錢買樓娶女友杜以辰【下一頁】
先天失明的嘉鴻，透過庇護工場及支援中心興趣班的幫助，克服自身缺陷開拓精彩人生，除成功增值及擴闊生活圈子，更發掘了對演藝的興趣，更曾孖住余思霆及簡淑兒在慈善節目中表演跳唱《皆大歡喜》。今次負責飾演嘉鴻演員正是早前憑《白色強人 II》的精彩演出贏得不少關注的永浩，他為了演好角色，除了事前做足功課，更挑戰全程閉眼演戲，永浩表示：「要多謝監製林肯同埋導演，佢哋圍讀時好用心去調較我嘅語氣同節奏，我亦都參考咗《黃金花》嘅凌文龍，以及《一路瞳行》嘅惠英紅。為咗還原番真人，我全程要合埋眼演出，好多走位都要靠Jumbo同埋蔣家旻去帶住，用道具時要靠手感，變相好體會到視障人士嘅日常生活，會更容易投入到。」
《白色強人II》│譚永浩演精神病無差別隧道斬人 眼神空洞獲讚 入行16年發展平平【下一頁】
永浩認為透過觀看嘉鴻的訪問片段，了解到對方內心的強大：「佢心思非常細密，好多時遇到難關都會鼓勵咗身邊嘅人先。我都好希望透過今次演繹，可以將我見到嘅呢份善良表達到畀觀眾。」他又指很感激袁偉豪讚他是劇集亮點：「佢仲話如果有一套關於呢個角色嘅劇俾我去演，有機會係我嘅代表作。」
至於飾演永浩家姐的Jumbo坦言角色很大挑戰：「我以前主要做開女朋友或者好開心嘅角色，今次呢個角色最大挑戰就係有啲苦情戲要處理。因為我不嬲畀人感覺都係開朗，同埋笑容燦爛。」Jumbo還透露遭監製林肯勒令練習「靚靚苦情樣」：「我自己都知自己有呢個問題，因為試鏡嘅時候，或者睇番自己拍嘅片，都望到自己表情會比較誇張啲，所以要多啲對鏡練習番一個上鏡少少、但又貼地嘅苦情樣。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：楊安莉