首架「機鐵仔」列車出發 可愛車廂任打卡

機場快綫旅程好Buddy「機鐵仔」繼早前推出首支單曲《飛得去旅行》後，一架以機鐵仔為主題嘅機場快綫列車噚日都正式登場，仲由聲演機鐵仔嘅 Ivana王菀之為列車啟航。黛安見到成架列車都遍布可愛嘅機鐵仔，仲有多個唔同造型帶大家遊走各個著名地標，乘客由踏入車廂即可感受到濃濃嘅旅遊氣氛。

除咗有多個打卡位外，乘客亦可掃描二維碼收聽單曲《飛得去旅行》，另外，即日起至24日期間，機鐵仔仲會喺機場快綫香港站、九龍站及青衣站快閃現身，大派限量版精品套裝畀大家，套裝內有齊出門必備防疫物品，先到先得，送完即止。