荃新天地過環保聖誕 輕鬆好玩學回收

黛安收到風，荃新天地今年特別舉辦「Merry Christmas！Goodbye Plastic！」主題活動，設有多個教育性、遊玩性同打卡吸引力兼備嘅體驗區，畀大家寓教育於娛樂，由過「綠色聖誕」開始學習保護環境。

公關姊妹話，今次重頭項目係特別同本地機構FabLab Tokwawan合作，即日起至下月2日喺商場1期1樓設立嘅「Goodbye Plastic回收資源教育中心」，除咗展示塑膠分類資訊外，S+ REWARDS會員仲可憑20點數參加「塑膠回收教育工作坊」，學習點樣分辨塑料廢物分類回收，又可體驗使用碎膠機，了解碎膠同注塑過程㖭。

姊妹亦提醒，荃新天地長期設置咗膠樽同紙包飲品盒回收機，大家每次回收一個膠樽或紙包飲品盒，即可用八達通獲取$0.1現金回贈；而S+ REWARDS會員只要出示場內商戶即日消費單據及自備嘅購物袋、食物盒或杯子，即可獲贈$10 S現金券喺場內指定商戶使用。活動咁有意義又有回贈，大家都要養成環保嘅習慣喇。