翁美玲主演《天師執位》今晚重播 苗僑偉難忘荒山瞓榻榻米等開工

由三哥苗僑偉同已故「一代美人」翁美玲合演的經典劇集《天師執位》，TVB早前舉辦的《我揀我想睇》觀眾投票活動，在「難忘記...」系列獲高票數成為第一位，此劇於今晚（19日）深宵時段，緊接神劇《男親女愛》播出，劇迷又要繼續捱眼瞓煲劇。

{{hket:inline-image name="11_600.jpg"}}{{/hket:inline-image}}

{{hket:inline-image name="12192001.jpg"}}{{/hket:inline-image}}

同場加映：黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

《天師執位》可謂開創天師劇先河，講述張天師（劉丹 飾）、宣慈（石堅 飾）之間的正邪大戰，及司徒文武（苗僑偉 飾）與林楚燕（翁美玲 飾）之間淒美動人之愛情故事。楚燕對文武一往情深，可是文武嫌棄女方性格刁蠻，迷戀花凝鳳（蔣麗萍 飾），卻慘遭凝鳳利用。經歷生死及多番誤會，文武浪子回頭欲與楚燕重修舊好，可惜此時，女方元神遭魔頭所奪，拯救摯愛心切的文武冒險修煉心魔大法，惹來無窮後患。劇集播出後好評如潮，當中「捕捉元神」、「撲蝶」場面更是令人相當難忘，成為經典。

紅顏薄命｜翁美玲開煤氣自殺36年影迷未忘 墓地雅潔溫馨自組「旅行團」遊故地【下一頁】

Facebook「TVB大寶藏」今日重溫的2006年《娛樂直播》片段，三哥大談當年同翁美玲合作的感覺，三哥表示：「同翁美玲合作係好難忘，由《射鵰英雄傳》（1983年）、《決戰玄武門》到《天師執位》（1984），幾齣劇集都係做拍檔。記得《射鵰》佢第一次拍劇，佢係好聰明，唔會畀你覺得係一個女仔，同所有男演員都玩得好埋...我記得有次拍《天師執位》，我、佢同埋丹爺三個喺菠蘿輋一個外景場地，拍完通宵戲，凌晨五點鐘收工，跟住第二朝零六又喺同一場地拍，即係隔一個鐘又要返番嚟，但當時化妝時間係六點，就喺廣播道公司化妝。我哋三個研究完，都係唔好返去瞓嘞，就喺菠蘿輋呢度瞓；冇返去沖涼，直情妝都唔落，就叫道具組放低三張榻榻米，同埋開個火爐，嗰時係冬天，我哋就喺火爐旁邊、荒山野嶺瞓咗三個鐘...就等第二組外景工作人員嚟到叫醒我哋，跟住妝又唔使化，頭套又唔使再黐就繼續拍。嗰時嘅翁美玲真係冇咩所謂，你話點就點，大家可以咁樣一齊過...佢份人好開心，好開朗。」

（↓點擊放大睇圖片↓）

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】