星格BOSS丨李忠希與友合資超過50萬 做手法理療師專治痛症整脊調理

與林峯、楊茜堯（原名楊怡）、徐榮同期藝員訓練班出身的李忠希，2020年6月在社交平台宣布離開工作已有22年的無綫，他當時留言表示「原地打轉只會被淘汰」，所以李忠希百足咁多爪，早年曾開過火鍋店、酒吧，但已結束業務；之後又做過12年的保險從業員，可惜生意因疫情大受影響，最近他轉做手法理療師，不過他並沒有放棄幕前工作。

同場加映：《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

{{hket:ul-video id="7197"}}{{/hket:ul-video}}

{{hket:inline-image name="93.jpeg"}}{{/hket:inline-image}}

{{hket:inline-image name="95.jpeg"}}{{/hket:inline-image}}

李忠希接受《晴報》的電話訪問，他透露在茘枝角開設一間「骨美Health care Centre」，專治痛症、整脊調理、痛症分析、筋膜刀，該店已於12月11日正式開張，李忠希說：「今次我同朋友合資6位數字，超過50萬，最貴係租金，同埋我向來都會預留營運資金。」

在疫情下演藝工作受到影響，李忠希空閒時，經常上網看正骨片段，「我好鍾意聽啪骨嘅聲，我個女見到我咁鍾意睇，佢就同我講『爸爸，不如你去學啦！』，於是我跟咗老派整脊師去學，然後實習，加上係機緣，識得正骨嘅朋友咁啱離開公司，所以我哋就一齊搞呢門生意。」至於正骨難學嗎？李忠希坦言如果有興趣，就不會覺得難，如果遇到不明白的地方，自己亦會去鑽研，但他指這門手藝是易學難精，「香港人成日要用電腦、睇手機，搞到頸緊膊痛，出現好多痛症，但有時客人未必係痛症先搵我哋，有啲高低膊、長短腳都會嚟搵我哋。」

【解決師】李忠希歌手轉戰做演員20年 默默耕耘靠小生意養家繼續追夢【下一頁】

問他會否親自為顧客治理？李忠希說：「我啲朋友會搵我，我會幫佢哋做，我亦要負責埋marketing，因為我仲有兩位有經驗嘅師傅，而我太太就負責接單。最重要係口碑，有啲客人做過一次就已經book定下一次，而家都排到下個禮拜。」圈中好友徐榮、蔣嘉瑩、KT唐嘉麟、馮鎵瀠（Naomi）等等都有幫襯。

問他目標是何時回本？有否打算開分店？李忠希希望半年可以回本，「如果做到好，希望可以開班，教啲有興趣學嘅學生，教咗佢哋之後，就當做招募學徒，到時就可以開分店，而家都係做住啲小生意先，畢竟自己都一把年紀。」

【林峯楊怡同期藝訓班】李忠希效力無綫22年宣布離巢 歌手主持演員三棲望轉型拍電影【下一頁】

{{hket:inline-image name="61.jpg"}}{{/hket:inline-image}}

{{hket:inline-image name="49616201_392427658193866_499222127303685371_n.jpg"}}{{/hket:inline-image}}

雖然專注生意，但他沒有放棄幕前工作，「有朋友叫我返大陸，但我女細老婆嫩，我唔想離開佢哋咁耐，我個女今年10歲，我唔想錯過咗佢嘅成長階段，而我媽咪年紀又大，我唔可以咁瀟灑掟低佢哋，一個人返大陸咁耐，反而我喺香港，睇吓有冇自己有興趣嘅工作嚟養妻活兒仲好啦！」

在疫情下，李忠希不斷增值自己，除了學正骨外，還有考的士牌和電單車牌，他說：「呢個疫症初期，搞到個個都好驚，我太太任職嘅港龍航空又結業，當時我好冇安全感，我諗如果我考咗車牌，租架車就可以開工喇，起碼我默默耕耘，唔使捱餓先！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】